ന്യൂഡൽഹി: പാർലമെന്റ് ബജറ്റ് സമ്മേളനത്തിന് മുന്നോടിയായുളള നയപ്രഖ്യാപനത്തിൽ സ്വാതന്ത്ര്യസമര സേനാനികളേയും കൊറോണ പ്രതിരോധ രംഗത്തെ പോരാളികളേയും അനുസ്മരിച്ച് രാഷ്ട്രപതി രാംനാഥ് കോവിന്ദ്. ലോകസഭയിലെ ബജറ്റ് സമ്മേളനകാലഘട്ടത്തിലെ ആദ്യദിവസത്തെ നയപ്രഖ്യാപന പ്രസംഗത്തിലാണ് രാംനാഥ് കോവിന്ദ് സ്വാതന്ത്ര്യസമര സേനാനികളെ അനുസ്മരിച്ചത്.
ലക്ഷക്കണക്കിന് സ്വാതന്ത്രസമര സേനാനികളുടെ ബലിദാനമാണ് ഈ രാജ്യത്തിന്റെ സ്വാതന്ത്ര്യം. 75വർഷത്തെ രാജ്യത്തിന്റെ വികസന മുന്നേറ്റത്തിൽ സംഭാവന നൽകിയ ചെറുതും വലുതുമായ എല്ലാവരേയും നമിക്കുന്നതായി രാഷ്ട്രപതി രാംനാഥ് കോവിന്ദ് പറഞ്ഞു.
ഈ വർഷം തുടക്കം മുതൽ സ്വാതന്ത്ര്യസമരസേനാനികളെ എല്ലാ അർത്ഥത്തിലും ആദരിക്കുന്ന തരത്തിലാണ് കേന്ദ്രസർക്കാർ പരിപാടികൾ നടന്നുവരുന്നത്. സുഭാഷ് ചന്ദ്രബോസ് ജയന്തിയും ദേശീയ യുദ്ധസ്മാരക പരിപാടികളും രാഷ്ട്രപതി ഓർമ്മിപ്പിച്ചു.
രാജ്യത്തെ ജനങ്ങളും കേന്ദ്രസർക്കാറും തമ്മിലുള്ള ശക്തമായ വിശ്വാസവും സംരക്ഷണത്തിന്റേയും മികച്ച ഉദാഹരണമാണ് കൊറോണയ്ക്കെതിരായ പ്രതിരോധത്തിൽ കാണുന്നത്. കൊറോണ മുന്നണിപോരാളികളെ നമിക്കു ന്നുവെന്നും രാഷ്ട്രപതി പറഞ്ഞു. കേന്ദ്രസർക്കാർ കൊറോണ കാലഘട്ടം മുതൽ ഇന്ത്യക്ക് അകത്തും പുറത്തും നടത്തിക്കൊണ്ടിരിക്കുന്ന സേവന പ്രവർത്തനങ്ങൾ അന്താരാഷ്ട്രതലത്തിൽ രാജ്യത്തിന്റെ കരുത്ത് എടുത്തു കാട്ടിയെന്നും രാഷ്ട്രപതി പറഞ്ഞു.
Comments