ന്യൂഡൽഹി: രാജ്യത്തെ ജനങ്ങൾക്ക് ശുദ്ധജലം ഉറപ്പാക്കി ബജറ്റിൽ പ്രഖ്യാപനം.ജൽജീവൻ മിഷന് 60,000 കോടി രൂപ കേന്ദ്ര ബജറ്റിൽ വകയിരുത്തി.നദീ സംയോജനത്തിന് കരട് പദ്ധതി രേഖ തയ്യാറായതായി മന്ത്രി പ്രഖ്യാപിച്ചു.
രാജ്യത്തെ അഞ്ച് നദികൾ തമ്മിൽ യോജിപ്പിക്കാനുള്ള പദ്ധതിയും ബജറ്റിൽ പ്രഖ്യാപിച്ചു.ദമൻ ഗംഗ – പിജ്ഞാൾ, തപി – നർമദ, ഗോദാവരി – കൃഷ്ണ, കൃഷ്ണ – പെന്നാർ, പെന്നാർ – കാവേരി തുടങ്ങി അഞ്ച് നദീ സംയോജന പദ്ധതികൾക്കായായാണ് തുക വകയിരുത്തിയത്.
പദ്ധതിക്കായി 46,605 കോടി രൂപ വകയിരുത്തി. പദ്ധതിയുടെ ഗുണഭോക്താക്കളായ സംസ്ഥാനങ്ങൾ തമ്മിൽ ധാരണയായാൽ പദ്ധതി ഉടൻ നടപ്പിലാക്കും.ഈ പദ്ധതികൾ കാർഷികാവശ്യങ്ങൾക്കായും ഉപയോഗിക്കുമെന്ന് മന്ത്രി പ്രഖ്യാപിച്ചു.2024 ആകുമ്പോഴേക്കും രാജ്യത്തെ എല്ലാ ഗ്രാമങ്ങളിലേയും ജനങ്ങൾക്ക് ശുദ്ധജലം എത്തിക്കുന്നതിനുള്ള പദ്ധതിയാണ് ജൽജീവൻ മിഷൻ.
Comments