ന്യൂഡൽഹി: ഇന്ത്യയുടെ ഇതിഹാസ ഗായിക ലതാ മങ്കേഷ്കറിന്റെ വിയോഗത്തിൽ അനുശോചനം രേഖപ്പെടുത്തി പാകിസ്താനും. ലത മങ്കേഷ്കറുടെ ശബ്ദത്തിന്റെ മാന്ത്രികത എന്നും നിലനിൽക്കുമെന്ന് പാകിസ്താൻ വിവര സാങ്കേതിക മന്ത്രി ഫവാദ് ചൗധരി കുറിച്ചു. ഇമ്രാൻ ഖാൻ സർക്കാരിലെ മന്ത്രിസഭാംഗമാണ് ചൗധരി. ഇന്ന് രാവിലെ ബ്രീച്ച് കാൻഡി ആശുപത്രിയിൽ ചികിത്സയിലിരിക്കെയാണ് ലത മങ്കേഷ്കറിന്റെ അന്ത്യം.
ഫവാദ് ചൗധരിയുടെ വാക്കുകൾ ഇങ്ങനെ ‘ലതാ മങ്കേഷ്കറിന്റെ വിയോഗം സംഗീതലോകത്തിലെ ഒരുയുഗത്തിന് അന്ത്യം കുറിക്കുന്നു. പതിറ്റാണ്ടുകളോളം സംഗീത ലോകത്തെ ലതാമങ്കേഷ്കർ ഭരിച്ചു. ലതമങ്കേഷ്കറുടെ സ്വരത്തിന്റെ മാന്ത്രികത ലോകത്ത് എന്നും നിലനിൽക്കും. ഉറുദു സംസാരിക്കുകയും മനസ്സിലാക്കുകയും ചെയ്യുന്നിടത്തെല്ലാം ലതാ മങ്കേഷ്കറിനോട് വിടപറയുന്നവരുടെ തിരക്കാണ്’ ചൗധരി ട്വിറ്ററിൽ കുറിച്ചു. ഉറുദുവിലായിരുന്നു ചൗധരിയുടെ ട്വീറ്റ്.
لتا منگیشکر کا انتقال موسیقی کے ایک عہد کا خاتمہ ہے، لتا جی نے عشروں تک سر کی دنیا پر حکومت کی اور ان کی آواز کا جادو رہتی دنیا تک رہے گا، جہاں جہاں اردو بولی اور سمجھی جاتی ہے وہاں لتا منگیشکر کو الوداع کہنے والوں کا ہجوم ہے، #LataMangeshkar
— Ch Fawad Hussain (@fawadchaudhry) February 6, 2022
പാകിസ്താനിലെ സർക്കാർ ടെലിവിഷൻ ചാലനിലും ലത മങ്കേഷ്കറിന്റെ ഗാനങ്ങൾ സംപ്രേക്ഷണം ചെയ്തു. ലത മങ്കേഷ്കറുടെ വിയോഗത്തിൽ അനുശോചനം രേഖപ്പെടുത്തി രാഷ്ട്രീയ, സാംസ്കാരിക, സാമൂഹിക രംഗത്തെ നിരവധി പേരാണ് എത്തിയത്. അതിർത്തി കടന്നും ലത മങ്കേഷ്കറിന് അന്ത്യാഞ്ജലി അർപ്പിച്ച് നിരവധി പേരെത്തി. കൊറോണ ബാധിച്ച് കഴിഞ്ഞ ഒരുമാസത്തിലേറെയായി ചികിത്സയിൽ കഴിയവെയാണ് ലതമങ്കേഷ്കറുടെ മരണം. സംസ്കാരം ഇന്ന് വൈകുന്നേരും ശിവജി പാർക്കിൽ നടക്കും.
Comments