ന്യൂഡൽഹി : ലതാ മങ്കേഷ്കറിന്റെ ഗാനം എല്ലാവരുടേയും കണ്ണ് നിറച്ചുവെന്ന് കേന്ദ്ര പ്രതിരോധ മന്ത്രി രാജ്നാഥ് സിംഗ്. ‘എയ് മേരെ വതൻ കെ ലോഗോ’ എന്ന ഹിന്ദി ഗാനത്തെക്കുറിച്ചാണ് അദ്ദേഹം പറഞ്ഞത്. ആര് കേട്ടാലും കരഞ്ഞ് പോകുന്ന ഗാനമാണതെന്നും അതിൽ അത്ഭുതമില്ലെന്നും അദ്ദേഹം പറഞ്ഞു.
1962 ൽ നടന്ന ഇന്ത്യ-ചൈന യുദ്ധത്തിൽ ജീവൻ നഷ്ടപ്പെട്ട ധീര ജവാന്മാർക്ക് ആദരവറിയിച്ചുകൊണ്ട് പാടിയ ഗാനമാണ് ‘എയ് മേരെ വതൻ കെ ലോഗോ’. 1963 ജനുവരി 27 ന് ഡൽഹിയിലെ റാംലീല മൈദാനിൽ വെച്ച് നടന്ന പരിപാടിയിലാണ് ഈ ഗാനം അവർ ആലപിച്ചത്. അന്നത്തെ പ്രധാനമന്ത്രിയായിരുന്ന ജഹവർലാൽ നെഹ്റുവും പരിപാടിയിൽ പങ്കെടുത്തിരുന്നു.
സൈനികരെ ആദരിച്ചുകൊണ്ട് ലതാജി പാടിയ ഗാനം പൊതുവേദിയിൽ നിന്ന നെഹ്റുവിന്റെ കണ്ണ് നനയിച്ചു. എന്നാൽ ആവശ്യത്തിന് റിഹേഴ്സൽ നടത്താതെയാണ് ലതാജി അന്ന് പാട്ട് പാടിയത്.
ഒരു ദിവസം മുൻപാണ് വേദിയിൽ പാടാൻ വിളിച്ചത്. ആദ്യം അത് തിരസ്കരിച്ചെങ്കിലും ലിറിസിസ്റ്റ് കവി പ്രദീപ് നിർബന്ധിച്ചതിനെ തുടർന്നാണ് പാടിയത്. പരിപാടിക്ക് മുൻപ് ഒരു പ്രാവശ്യം മാത്രമാണ് പാട്ട് പാടി നോക്കിയത് എന്ന് പിന്നീട് നടന്ന പരിപാടിയിൽ ലതാ മങ്കേഷ്കർ പറഞ്ഞു. ഇന്നും ഭാരതീയർ ഹൃദയത്തോട് ചേർത്ത് വെയ്ക്കുന്ന ഗാനമാണത്.
Comments