തിരുവനന്തപുരം : സംപ്രേക്ഷണം നടത്തരുതെന്ന കോടതി വിധി ലംഘിച്ച് മീഡിയ വൺ. ചാനലിന്റെ സംപ്രേക്ഷണത്തിനെതിരെ കേന്ദ്ര സർക്കാർ ഏർപ്പെടുത്തിയ വിലക്കിനെതിരെ മീഡിയ വൺ നൽകിയ ഹർജി തള്ളിയതിനെ തുടർന്ന് വിലക്ക് നിലവിൽ വന്നിരുന്നു. എന്നാൽ യൂട്യൂബിൽ തത്സമയ സംപ്രേക്ഷണം നടത്തിക്കൊണ്ട് ചാനൽ ഇത് ലംഘിക്കുകയായിരുന്നു.
കേന്ദ്ര സർക്കാർ ഉത്തരവ് പ്രകാരം എല്ലാ പ്ലാറ്റ്ഫോമുകളിൽ നിന്നും ചാനലിന് വിലക്കേർപ്പെടുത്തിയിരുന്നു. ഇതേ തുടർന്ന് ആദ്യഘട്ടത്തിൽ എല്ലാ പ്ലാറ്റ്ഫോമുകളിൽ നിന്നും ചാനൽ അപ്രത്യക്ഷമായി. തുടർന്ന് കോടതി ഇന്ന് കേന്ദ്ര സർക്കാർ നടപടി ശരിവെച്ചതോടെ ചാനലിന്റെ സംപ്രേക്ഷണം നിർത്തുകയാണെന്ന് അറിയിച്ചുകൊണ്ട് എഡിറ്റർ പ്രമോദ് രാമനും രംഗത്തെത്തി.
എന്നാൽ വിധി വന്ന് മണിക്കൂറുകൾ കഴിഞ്ഞിട്ടും യൂട്യൂബിൽ ചാനലിന്റെ തത്സമയ സംപ്രേക്ഷണം തുടരുകയാണ്. കമന്റ് ഓഫ് ചെയ്തിട്ടാണ് സംപ്രേക്ഷണം നടത്തുന്നത്. ഇതിനെതിരെ സമൂഹമാദ്ധ്യമങ്ങളിൽ ശക്തമായ വിമർശനങ്ങൾ ഉയർന്നുകഴിഞ്ഞു. കോടതി വിധിയുടെ ലംഘനമാണ് ചാനൽ നടത്തുന്നത് എന്ന വിമർശനങ്ങളാണ് ഉയരുന്നത്.
Comments