ലക്‌നൗ: ആദ്യ ഘട്ട വോട്ടെടുപ്പ് നടക്കുന്ന പടിഞ്ഞാറൻ ഉത്തർപ്രദേശിലെ കോൺഗ്രസ് പ്രവർത്തകർക്ക് ആത്മവിശ്വാസം പകരാൻ ഭഗവത് ഗീത ഉദ്ധരിച്ച് കോൺഗ്രസ് നേതാവ് പ്രിയങ്ക വാദ്ര.
നമുക്ക് ജോലി ചെയ്യാൻ അവകാശമുണ്ട്, എന്നാൽ നമ്മുടെ പ്രവർത്തനങ്ങളുടെ ഫലത്തിന് നമുക്ക് അർഹതയില്ലെന്നാണ് പ്രിയങ്ക വാദ്ര ഉദ്ധരിച്ച ശ്ലോകം അർത്ഥമാക്കുന്നത്. കുരുക്ഷേത്ര സമയത്ത് ഫലങ്ങളെക്കുറിച്ച് ആകുലപ്പെടാതെ യുദ്ധം തുടരാൻ അർജ്ജുനനെ പ്രേരിപ്പിക്കുന്ന ഭഗവാൻ ശ്രീകൃഷണന്റെ ഭഗവത് ഗീതയിലെ വാക്കുകളാണിവ.
നിയമസഭാ മണ്ഡലങ്ങളിലെ വോട്ടർമാരോട് തങ്ങളുടെ പ്രശ്‌നങ്ങൾ ഉന്നയിക്കാൻ വോട്ടിന്റെ ശക്തി ഉപയോഗിക്കണമെന്ന് അഭ്യർത്ഥിച്ച് പ്രിയങ്ക വാദ്ര ട്വീറ്റ് ചെയ്തിരുന്നു
ഉത്തർപ്രദേശിൽ 11 ജില്ലകളിലെ 58 നിയോജക മണ്ഡലങ്ങളിലേക്കുള്ള വോട്ടെടുപ്പാണ് ഇന്ന് ആരംഭിച്ചത്. രാവിലെ ഏഴ് മണിയോടെ തന്നെ പോളിംഗ് ആരംഭിച്ചിരുന്നു. ഒൻപത് മന്ത്രിമാരടക്കം 623 സ്ഥാനാർത്ഥികളാണ് ആദ്യ ഘട്ടത്തിൽ ജനവിധി തേടുന്നത്. രണ്ട് കോടി 27 ലക്ഷം വോട്ടർമാരാണ് ഇന്ന് വിധിയെഴുതുന്നത്. മഥുര, മുസാഫർനഗർ, ഗാസിയാബാദ്, ബുലന്ദ്ഷഹർ, ഹാപൂർ, ഷാംലി, അലിഗജ്, ആഗ്ര തുടങ്ങിയ ജില്ലകളിലാണ് വോട്ടെടുപ്പ് ആരംഭിച്ചത്.
