കോഴിക്കോട് : മീഡിയ വണ് ചാനലിനെതിരെ നടക്കുന്നത് വ്യാജ പ്രചരണമാണെന്നും നിയമനടപടി സ്വീകരിക്കുമെന്നും മാനേജ്മെന്റ്. ചാനലിന് കേന്ദ്രസര്ക്കാര് വിലക്കേർപ്പെടുത്തിയതിനു പിന്നാലെ ചാനലിലെ ചില ജീവനക്കാര്ക്കെതിരെ വ്യക്തിഹത്യയും വനിതാ അവതാരികമാർക്കുമെതിരെ സ്ത്രീ അധിക്ഷേപവും നടക്കുന്നുണ്ടെന്നാണ് ആരോപണം . ഇതിനെതിരെ ക്രിമിനല് നിയമനടപടികള് സ്വീകരിക്കുമെന്നും മാനേജ്മെന്റ് വ്യക്തമാക്കി.
‘ ചാനലിനെതിരെ സോഷ്യല് മീഡിയ വഴിയും ഓണ്ലൈന് മാദ്ധ്യമങ്ങള് വഴിയും ചിലര് സംഘടിത പ്രചാരണമാണ് നടത്തുന്നത്. ചില ജീവനക്കാര്ക്കെതിരെ വ്യക്തിഹത്യയും വനിതാ അവതാരികമാര്ക്കെതിരെ അധിക്ഷേപവും നടക്കുന്നുണ്ട്. ഇതിനെതിരെ ക്രിമിനല് നിയമനടപടികള് സ്വീകരിക്കും,’ മീഡിയ വണ് മാനേജ്മെന്റ് അറിയിച്ചു.
പാവപ്പെട്ടവര്ക്കും അരികുവത്ക്കരിക്കപ്പെട്ടവര്ക്കും വേണ്ടി പ്രവര്ത്തിച്ചതിനാണ് താനും തന്റെ സഹപ്രവര്ത്തകരും ആക്രമണം നേരിടുന്നതെന്നാണ് മീഡിയ വണ് എഡിറ്ററുടെ അവകാശവാദം .
നേരത്തെ, ചാനലിന്റെ സീനിയര് കോര്ഡിനേറ്റിംഗ് എഡിറ്റര് സ്മൃതി പരുത്തിക്കാടും നിയമനടപടിക്കൊരുങ്ങുകയാണെന്ന് വ്യക്തമാക്കിയിരുന്നു.
