സൗരാഷ്ട്ര: രഞ്ജി ട്രോഫി മത്സരത്തിൽ കേരളത്തിന് മേൽകൈ. മേഘാലയക്കെതിരെയാണ് കേരളം ആദ്യ ദിനത്തിൽ പിടിമുറുക്കിയത്. 112 റൺസിനിടെ മേഘാലയയുടെ 5 വിക്കറ്റുകൾ കേരളതാരങ്ങൾ വീഴ്ത്തി. പത്തുവർഷത്തിന് ശേഷം രഞ്ജി ട്രോഫിയിൽ രണ്ടു വിക്കറ്റ് നേടിയ ശ്രീശാന്തും ഏദൻ ടോമുമാണ് തിളങ്ങിയത്. ബേസിൽ തമ്പി ഒരു വിക്കറ്റും വീഴ്ത്തി. ടോസ് നേടിയ കേരളം ഫീൽഡിംഗ് തിരഞ്ഞെടുക്കുകയായിരുന്നു.
മേഘാലയയ്ക്കായി നായകൻ പുനിത് ബിഷ്താണ് ചെറുത്തുനിൽക്കുന്നത്. 58 പന്തിൽ ബിഷ്ത് 61 റൺസുമായി ക്രീസിലുണ്ട്. കിഷൻ ലിംഗ്തോ (26), ചിരാഗ് ഖുരാന(15) എന്നിവർ മാത്രമാണ് രണ്ടക്കം കടന്നത്. എലൈറ്റ് വിഭാഗത്തിലെ എ ഗ്രൂപ്പിലാണ് കേരളവും മേഘാലയയും മത്സരിക്കുന്നത്.
Comments