തിരുവനന്തപുരം : തിരുവനന്തപുരത്ത് ഇനി എന്തൊക്കെ വേണമെന്ന് പൊതുജനങ്ങളോട് ചോദിച്ച് മേയർ ആര്യാ രാജേന്ദ്രൻ . ഫേസ്ബുക്ക് പോസ്റ്റിലാണ് ആര്യ രാജേന്ദ്രൻ ചോദ്യം ഉന്നയിക്കുന്നത് .
‘ 2022 – 23 ലെ തിരുവനന്തപുരം നഗരസഭ ബജറ്റിലേക്ക് പൊതുജനങ്ങളിൽ നിന്നും നിർദ്ദേശങ്ങൾ സ്വീകരിക്കുന്നു. ” എന്റെ നഗരത്തിൽ ഇനിയെന്തൊക്കെ വേണം !!! ” എന്ന് ഓരോ നഗരവാസികൾക്കും വിവിധ ആവശ്യങ്ങൾക്ക് നഗരത്തിലെത്തുന്ന മറ്റ് അതിഥികൾക്കും പറയാം. പ്രായോഗികതയും ആവശ്യകതയും പരിഗണിച്ച് നിർദ്ദേശങ്ങൾ ബജറ്റിന്റെ ഭാഗമാക്കും. ഇതോടൊപ്പമുള്ള ഇമെയിൽ വിലാസത്തിൽ നിർദ്ദേശങ്ങൾ അയച്ച് തന്ന് നമ്മുടെ നഗരവികസനത്തിൽ പങ്കാളികളാകണമെന്ന് എല്ലാവരോടും വിനയപൂർവ്വം അഭ്യർത്ഥിക്കുന്നു.‘ ഇത്തരത്തിലാണ് ആര്യാ രാജേന്ദ്രന്റെ ഫേസ്ബുക്ക് പോസ്റ്റ് .
അതേസമയം അഴിമതി അടക്കമുള്ളവ ചൂണ്ടിക്കാട്ടിയാണ് പലരും ഫേസ്ബുക്കിൽ കമന്റ് ചെയ്തിരിക്കുന്നത് . മാലിന്യ പ്രശ്നങ്ങളും , മഴ പെയ്താൽ തോടാകുന്ന റോഡുകൾ , യാത്ര സൗകര്യങ്ങളുടെ അപര്യാപ്തത എന്നിവയും പലരും ചൂണ്ടിക്കാട്ടിയിട്ടുണ്ട് .
