ഇന്ത്യൻ നിരത്തിൽ വിപ്ലവം സൃഷ്ടിക്കാൻ പോകുന്ന വാഹനത്തിന്റെ പണിപ്പുരയിലാണ് ഫോക്സ് വാഗൺ. മാർച്ച് 8ന് ഇന്ത്യയിലെ വാഹനപ്രേമികൾക്കായി ഒരു കോംപാക്ട് സെഡാൻ അവതരിപ്പിക്കാനാണ് നിർമ്മാതാക്കൾ പദ്ധതിയിടുന്നതെന്നാണ് റിപ്പോർട്ട്. പുതിയ വാഹനത്തിനെ ചുറ്റിപ്പറ്റിയുള്ള വിവരങ്ങൾ സമൂഹമാദ്ധ്യമങ്ങളിലടക്കം പ്രചരിക്കുമ്പോൾ, കാറിന്റെ ഒരു അവ്യക്തമായ ചിത്രം പുറത്ത് വിട്ടിരിക്കുകയാണ് നിർമ്മാതാക്കൾ.
Striking design, unveiling soon.
Register interest here: https://t.co/W9rOaP7xtE#ComingSoon #VolkswagenIndia #Volkswagen pic.twitter.com/ont7kYln1U
— Volkswagen India (@volkswagenindia) February 20, 2022
പുതിയ വാഹനത്തിന്റെ മുകൾഭാഗം മാത്രമാണ് ചിത്രങ്ങളിൽ ദൃശ്യമാകുന്നത്. ചിത്രം കണ്ട ആളുകൾ പല തരത്തിലുള്ള അഭിപ്രായങ്ങളും പങ്കുവെയ്ക്കുന്നുണ്ട്. ഫോക്സ് വാഗണിന്റെ വിർറ്റസാണ് അടുത്തതായി ഇന്ത്യയിലേയ്ക്ക് എത്തുന്നതെന്നാണ് ചിലർ അഭിപ്രായപ്പെടുന്നത്. എന്നാൽ നിർമ്മാതാക്കൾ ഇതുവരെ ഇതിനോട് പ്രതികരിച്ചിട്ടില്ല. വാഹനപ്രേമികൾക്ക് അവരുടെ പ്രതീക്ഷകൾക്കൊത്ത സർപ്രൈസ് നൽകാനാണ് നിർമ്മാതാക്കളുടെ ലക്ഷ്യം.
ഫോക്സ് വാഗൺ ടൈഗൺ, സ്കോഡ സ്ലാവിയ, സ്കോഡ കുശാഖ് എന്നിവയുടെ അതേ പ്ലാറ്റ്ഫോമിലാണ് പുതിയ വാഹനവും എത്തുന്നതെന്നാണ് വിവരം. ഫോക്സ് വാഗണിന്റെ വെന്റോയ്ക്ക് പകരക്കാരനാവാനാണ് പുതിയ വാഹനം എത്തുന്നത്. വാഹനത്തിന്റെ ഒരു വിശദാംശങ്ങളും നിർമ്മാതാക്കൾ ഇതുവരെയും പുറത്തുവിട്ടിട്ടില്ല.
എന്നിരുന്നാലും, കാറിന്റെ ടീസർ ചിത്രം കണ്ട ആളുകൾക്ക് ചില സൂചനകൾ ലഭിച്ചിട്ടുണ്ട്. ബൂട്ട് ലിപ് സ്പോയിലറിന് പുറമെ എൽഇഡി ഹെഡ്ലാമ്പുകൾ, ബോൾഡർ ഗ്രിൽ, മുൻവശത്തെ ജിടി ബാഡ്ജിംഗ് തുടങ്ങിയ ഡിസൈൻ വിശദാംശങ്ങളിൽ ശ്രദ്ധ കേന്ദ്രീകരിക്കുന്നതാണ് കമ്പനി പുറത്തിറക്കിയ ടീസർ ചിത്രം. അനുപാതമനുസരിച്ച്, ഫോക്സ് വാഗൺ വിർറ്റസ് 4,541 എംഎം നീളവും 1,752 എംഎം വീതിയും 1,487 എംഎം ഉയരവും സ്കോഡ സ്ലാവിയയ്ക്ക് സമാനമായി 2,651 എംഎം വീൽബേസിൽ ഇരിക്കുന്നു.
English summary: Upcoming Volkswagen Compact Sedan Teased Ahead Of India Debut Next Month
Comments