മോഹൻലാൽ-ബി.ഉണ്ണികൃഷ്ണൻ കൂട്ടുകെട്ടിൽ പുറത്തിറങ്ങിയ ചിത്രമായ ആറാട്ടിന്റെ കളക്ഷൻ റിപ്പോർട്ട് പുറത്ത്. മൂന്ന് ദിവസം കൊണ്ട് 17.80 കോടിയാണ് ചിത്രത്തിന് കളക്ഷനായി ലഭിച്ചത്. ആറാട്ടിന്റെ ആഗോള ഗ്രോസ് കളക്ഷനാണിത്. ഫെബ്രുവരി 18നാണ് ചിത്രം തീയേറ്ററുകളിൽ പ്രദർശനത്തിന് എത്തിയത്.
നെയ്യാറ്റിൻകര ഗോപൻ എന്ന കഥാപാത്രത്തെയാണ് ചിത്രത്തിൽ മോഹൻലാൽ അവതരിപ്പിക്കുന്നത്. പുലിമുരുകൻ, മധുരരാജ എന്നീ സിനിമകൾക്ക് ശേഷം ഉദയ്കൃഷ്ണ തിരക്കഥ ഒരുക്കിയ ചിത്രം കൂടിയാണ് ആറാട്ട്. സായ്കുമാർ, സിദ്ദിഖ്, വിജയരാഘവൻ, ജോണി ആന്റണി, നന്ദു, ഇന്ദ്രൻസ്, ശ്രദ്ധ ശ്രീനാഥ്, സ്വാസിക തുടങ്ങീ വലിയ താരനിര തന്നെ ചിത്രത്തിന്റെ ഭാഗമായിട്ടുണ്ട്.
ലോകമെമ്പാടും 2700 സ്ക്രീനുകളിലാണ് ആറാട്ട് ചെയ്തത്. ആദ്യ ദിവസം തന്നെ ചിത്രം നാല് കോടിയോളം കളക്ഷന് നേടിയിരുന്നു. ഈ വര്ഷത്തെ റിലീസുകളില് ഏറ്റവും മികച്ച ഓപ്പണിങ് ആണിത്. മോഹന്ലാലിന്റെ കഥാപാത്രമായ നെയ്യാറ്റിന്കര ഗോപന് പാലക്കാട്ടെ ഒരു ഗ്രാമത്തില് എത്തുന്നതും, തുടര് സംഭവ വികാസങ്ങളുമാണ് ചിത്രത്തിന്റെ പ്രമേയം. മോഹന്ലാല് നിറഞ്ഞുനില്ക്കുന്ന ഒരു കംപ്ലീറ്റ് മാസ് എന്റര്ടെയ്നറാണ് ഈ ചിത്രം.
Comments