കീവ്: ഖാർകീവിൽ നിന്നും ഉടൻ ഒഴിയണമെന്ന് ഇന്ത്യൻ പൗരന്മാർക്ക് എംബസിയുടെ പുതിയ നിർദേശം. അതിർത്തി ഗ്രാമങ്ങളായ പെസോച്ചിൻ, ബബായെ, ബ്ലേസിയുഡോവ്ക എന്നിവിടങ്ങളിലേക്ക് പോകണമെന്ന് എംബസി ആവശ്യപ്പെട്ടു. യുക്രെയ്ൻ സമയം വൈകിട്ട് ആറ് മണിക്ക് മുമ്പ് ഖാർകീവ് വിട്ടൊഴിയണമെന്നാണ് എംബസിയുടെ കർശന നിർദേശം.
URGENT ADVISORY TO ALL INDIAN NATIONALS IN KHARKIV.
FOR THEIR SAFETY AND SECURITY THEY MUST LEAVE KHARKIV IMMEDIATELY.
PROCEED TO PESOCHIN, BABAYE AND BEZLYUDOVKA AS SOON AS POSSIBLE.
UNDER ALL CIRCUMSTANCES THEY MUST REACH THESE SETTLEMENTS *BY 1800 HRS (UKRAINIAN TIME) TODAY*.— India in Ukraine (@IndiainUkraine) March 2, 2022
അതേസമയം സമാധാന ചർച്ചകൾക്കായി നീക്കം തുടരുകയാണ്. ഇന്ന് വൈകിട്ട് യുക്രെയ്ൻ-രഷ്യ പ്രതിനിധികൾ ചർച്ച നടത്തുമെന്നാണ് വിവരം. സെലൻസ്കിയുടെ ഉപദേശകനാണ് ഇക്കാര്യം അറിയിച്ചത്. ആദ്യ ചർച്ചയിൽ പങ്കെടുത്ത പ്രതിനിധികൾ തന്നെയാകും രണ്ടാം ചർച്ചയുടേയും ഭാഗമാകുക.
പ്രസിഡന്റ് സ്ഥാനത്ത് നിന്ന് സെലൻസ്കിയെ മാറ്റാനുള്ള റഷ്യൻ നീക്കവും പുരോഗമിക്കുകയാണെന്നാണ് വിവരം. വിക്ടർ യാനുക്കോവിച്ചിനെ മുൻനിർത്തിയാണ് റഷ്യയുടെ നീക്കം. മുൻ യുക്രെയ്ൻ പ്രസിഡന്റായിരുന്നു വിക്ടർ യാനുക്കോവിച്ച്. 2014ൽ ഇദ്ദേഹത്തെ പുറത്താക്കിയിരുന്നു. പുടിന്റെ നിർദേശ പ്രകാരം യുക്രെയ്ൻ പ്രസിഡന്റ് സ്ഥാനം അട്ടിമറിക്കാനുള്ള നീക്കം നടക്കുന്നുണ്ടെന്നാണ് അന്താരാഷ്ട്ര മാദ്ധ്യമങ്ങൾ റിപ്പോർട്ട് ചെയ്യുന്നത്.
