കൊച്ചി : സിപിഎം സംസ്ഥാന സമിതി വിപുലീകരിച്ചു. 89 അംഗ കമ്മറ്റിയിൽ ചിന്താ ജെറോം, ജോൺ ബ്രിട്ടാസ് എം പി , പി ശശി എന്നിവർ ഇടം പിടിച്ചു. പി ശശി നേരത്തെ സ്ത്രീ പീഡന പരാതിയിൽ പാർട്ടിഅച്ചടക്ക നടപടി നേരിട്ടിരുന്നു. സംസ്ഥാന കമ്മറ്റിയിൽ ഇല്ലാതിരുന്ന പുതിയ 3 ജില്ലാ സെക്രട്ടറിമാരെയും കമ്മറ്റിയിൽ ഉൾപ്പെടുത്തിയിട്ടുണ്ട് .
ഡിവൈഎഫ്ഐ അഖിലേന്ത്യാ പ്രസിഡന്റ് എഎ റഹീമിനെ സംസ്ഥാന സമിതിയിൽ ഉൾപ്പെടുത്തിയിട്ടുണ്ട്. തൃശൂർ ജില്ലാ സെക്രട്ടറി എം എം വർഗീസിനെ സ്ഥിരംഗമാക്കി കമ്മിറ്റിയിൽ ഉൾപ്പെടുത്തി. ഉന്നത വിദ്യാഭ്യസ മന്ത്രി ആർ ബിന്ദുവിനെ സംസ്ഥാന സമിതിയിൽ പ്രത്യേക ക്ഷണിതാവായും ഉൾപ്പെടുത്തിയിട്ടുണ്ട്.എഴുപത്തി അഞ്ച് വയസ്സെന്ന പ്രായ പരിധി നടപ്പിലാക്കിയതോടെ പതിമൂന്നു പേര് സംസ്ഥാന സമിതിയിൽ നിന്നും പുറത്താക്കപ്പെട്ടു. ജി സുധാകരൻ, എം എം മണി അടക്കമുള്ള മുതിർന്ന നേതാക്കൾ പുറത്തു പോകുമ്പോൾ, പിണറായി വിജയന് ഇളവ് നൽകിയിട്ടുണ്ട്
Comments