മലപ്പുറം: ഹൈദരലി ശിഹാബ് തങ്ങളുടെ വിയോഗത്തിൽ അനുശോചനം അറിയിക്കാനായി പാണക്കാടെത്തി കോൺഗ്രസ് നേതാവ് രാഹുൽ ഗാന്ധി. പാണക്കാട് കൊടപ്പനക്കൽ തറവാട്ട് വീട്ടിലെത്തിയ രാഹുൽ, തങ്ങളുടെ വിയോഗത്തിൽ ദുഃഖമുണ്ടെന്ന് പ്രതികരിച്ചു.
പാണക്കാട് എത്തിച്ചേർത്തത് അത്യധികം സങ്കടത്തോടെയാണ്. ഹൈദരലി ശിഹാബ് തങ്ങൾ മികച്ച നേതാവായിരുന്നു. രാഷ്ട്രീയ നേതാവ് മാത്രമല്ല, ആത്മീയ നേതാവ് കൂടിയായിരുന്നു ഹൈദരലി തങ്ങളെന്നും രാഹുൽ ഗാന്ധി പറഞ്ഞു. സോണിയ ഗാന്ധിയുടെ അനുശോചന കുറിപ്പുമായാണ് രാഹുൽ ഗാന്ധി പാണക്കാടെത്തിയത്
അതേസമയം മുസ്ലീംലീഗ് സംസ്ഥാന പ്രസിഡന്റായി പാണക്കാട് സാദിഖലി ശിഹാബ് തങ്ങളെ പ്രഖ്യാപിച്ചു. ലീഗ് ദേശീയ പ്രസിഡന്റ് ഖാദർ മൊയ്തീനായിരുന്നു പ്രഖ്യാപനം നടത്തിയത്. അന്തരിച്ച പാണക്കാട് ഹൈദരലി ശിഹാബ് തങ്ങളുടെ സഹോദരനാണ് സാദിഖലി തങ്ങൾ. ഹൈദരലി തങ്ങൾ അസുഖ ബാധിതനായിരുന്നപ്പോൾ, സാദിഖലി തങ്ങൾക്കായിരുന്നു താൽക്കാലിക ചുമതല.
Comments