ന്യൂഡൽഹി: അഞ്ചു സംസ്ഥാനങ്ങളിലായി നടന്ന തിരഞ്ഞെടുപ്പിൽ വോട്ടെണ്ണൽ അവസാന ലാപ്പിലേക്ക് എത്തുമ്പോൾ കൃത്യമായ ഭൂരിപക്ഷത്തോടെ നാല് സംസ്ഥാനങ്ങളിലും മുന്നേറുകയാണ് ബിജെപി. നാല് സംസ്ഥാനങ്ങളിലും ഭരണമികവിന്റെ കാവികൊടി പാറുമ്പോൾ ബിജെപി നേതൃത്വത്തെ അഭിന്ദിക്കുകയാണ് ശിവസേന നേതാവ് സഞ്ജയ് റാവത്ത്.
ബിജെപിയുടെ വിജയത്തിന് പിന്നിൽ അവരുടെ ശക്തമായ തിരഞ്ഞെടുപ്പ് നേതൃത്വമാണെന്ന് അദ്ദേഹം പറഞ്ഞു. ഇലക്ഷൻ എൻജിനീയറിങ്ങിന്റെ ഫലമാണ് ബിജെപിക്ക് ലഭിച്ചതെന്ന് അദ്ദേഹം പറഞ്ഞു.
കോൺഗ്രസ് വളരെ മോശം നിലയിലാണ് ഈ തിരഞ്ഞെടുപ്പിൽ പരാജയപ്പെട്ടത്. കനത്ത തോൽവിയാണെന്ന് അദ്ദേഹം പറഞ്ഞു. പഞ്ചാബിൽ മറ്റൊരു സാധ്യതയായി എഎപിയെ കണ്ടുവെന്ന് അദ്ദേഹം കൂട്ടിച്ചേർത്തു.
അഞ്ച് സംസ്ഥാനങ്ങളിൽ നടന്ന നിയമസഭാ തിരഞ്ഞെടുപ്പിന്റെ വോട്ടെണ്ണൽ അന്തിമഘട്ടത്തിലേക്ക് എത്തുമ്പോൾ ചിത്രത്തില്ലാതെ പോവുകയാണ് കോൺഗ്രസ്.വ്യക്തമായ ഭൂരിപക്ഷത്തോടെ നാല് സംസ്ഥാനങ്ങളിലും ബിജെപി മുന്നേറിയപ്പോൾ കോൺഗ്രസിന്റെ അടിവേര് തന്നെ നഷ്ടപ്പെടുന്ന അവസ്ഥയാണ്.ജനങ്ങൾ ബിജെപിയിൽ വിശ്വാസം അർപ്പിച്ച് തുടർഭരണം നൽകുമ്പോൾ ഇത് നേതൃത്വത്തിന്റെ വിജയമെന്ന് വ്യക്തം.
