ന്യൂഡൽഹി: പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്താൻ ഉത്തർപ്രദേശ് മുഖ്യമന്ത്രി യോഗി ആദിത്യനാഥ് ഡൽഹിയിലെത്തി. 2022ലെ നിയമസഭാ തിരഞ്ഞെടുപ്പിൽ ബിജെപി മികച്ച വിജയം നേടിയ ശേഷം ആദിത്യനാഥ് നടത്തുന്ന ആദ്യ ഡൽഹി സന്ദർശനമാണിത്.
സത്യപ്രതിജ്ഞാ തീയതിയും സംസ്ഥാനത്തെ സർക്കാർ രൂപീകരണവും കൂടിക്കാഴ്ചയിൽ ചർച്ചയാകുമെന്നാണ് വിവരം. പുതിയ ഉപമുഖ്യമന്ത്രിയെയും നിരവധി പുതുമുഖങ്ങളെയും യുപി മന്ത്രിസഭയിൽ ബിജെപി പരിഗണിക്കുന്നതായാണ് റിപ്പോർട്ടുകൾ.
ഉപരാഷ്‌ട്രപതി എം വെങ്കയ്യ നായിഡു, ബിജെപി ജനറൽ സെക്രട്ടറി ബി.എൽ സന്തോഷ് എന്നിവരുമായി രാജ്യതലസ്ഥാനത്തെത്തിയ ഉത്തർപ്രദേശ് മുഖ്യമന്ത്രി കൂടിക്കാഴ്ച നടത്തി. രണ്ട് ദിവസത്തെ സന്ദർശനത്തിനായാണ് ആദിത്യനാഥ് രാജ്യതലസ്ഥാനത്ത് എത്തിയത്.
ബിജെപി ദേശീയ അദ്ധ്യക്ഷൻ ജെ.പി നദ്ദ, കേന്ദ്ര ആഭ്യന്തരമന്ത്രി അമിത് ഷാ, പ്രതിരോധ മന്ത്രി രാജ്നാഥ് സിംഗ് എന്നിവരുമായും അദ്ദേഹം കൂടിക്കാഴ്‌ച്ച നടത്തുമെന്നാണ് റിപ്പോർട്ട്.
