പതിനേഴ് വർഷങ്ങൾക്ക് മുൻപ് കാണാതായ പൂച്ചയെ തിരികെ ലഭിച്ച സന്തോഷത്തിലാണ് സ്കോട്ടിഷുകാരിയായ കിം കോളിയർ. ഇത്രയും വർഷമായി കാണാതിരുന്നിട്ടും, പൂച്ച ചത്തുപോയി എന്ന് ഒരിക്കൽ പോലും കിം ചിന്തിച്ചില്ല. എന്നെങ്കിലും തന്റെ ഓമനമൃഗം തിരികെ വരുമെന്ന പ്രതീക്ഷ മുറുകെ പിടിച്ചിരിക്കുകയാരുന്നു കിം.
പുതിയ വീട്ടിലേയ്ക്ക് മാറുന്നതിനിടെയാണ് കിമ്മിന് തന്റെ പൂച്ചയെ നഷ്ടമായത്. തുടർന്ന് പൂച്ചയുടെ പോസ്റ്ററുകൾ പലയിടങ്ങളിലും ഒട്ടിച്ചു. തന്റെ മൈക്രോചിപ്പ് വിശദാംശങ്ങളും അവർ നിരന്തരം അപ്ഡേറ്റ് ചെയ്തുകൊണ്ടിരുന്നു. അങ്ങനെ വർഷങ്ങൾ കടന്നുപോയി. പെട്ടെന്ന് ഒരു ദിവസം കിമ്മിന് ഒരു ഫോൺ കോൾ വന്നു. ‘ടില്ലി എന്ന പൂച്ച നിങ്ങളുടേതാണോ?’ എന്നായിരുന്നു ഫോൺ വിളിച്ച ആൾ ചോദിച്ചത്. ഉടൻ തന്നെ താൻ സന്തോഷത്തിൽ തുള്ളിച്ചാടുകയായിരുന്നു എന്നാണ് കിം പറയുന്നത്.
അപ്രതീക്ഷിതമായി എത്തിയ ആ ഫോൺ കോൾ തനിക്ക് വിശ്വസിക്കാനായില്ലെന്ന് കിം പറയുന്നു. എവിടെ നിന്നാണോ ചൂച്ചയെ നഷ്ടപ്പെട്ടത്, അവിടെ നിന്നു തന്നെയാണ് അതിനെ ലഭിച്ചതെന്നും കിം വ്യക്തമാക്കി. പൂച്ചയ്ക്ക് ഇപ്പോൾ 20 വയസ്സുണ്ടെന്നും, ഇപ്പോൾ മൃഗാശുപത്രിയിൽ ചികിത്സയിൽ കഴിയുകയാണെന്നും കിം കൂട്ടിച്ചേർത്തു.
Comments