ന്യൂഡൽഹി : കൊറോണ മഹാമാരിയെ പിടിച്ചുകെട്ടാനുളള ശക്തമായ പ്രവർത്തനങ്ങളുമായി മുന്നോട്ട് പോകുകയാണ് കേന്ദ്രസർക്കാർ. മഹാമാരിയെ പൂർണമായും രാജ്യത്ത് നിന്നും തുടച്ചു നീക്കാൻ വാക്സിനേഷൻ പ്രക്രിയ വേഗത്തിലാക്കിയിട്ടുണ്ട്. ഇതിന്റെ ഭാഗമായി ബുധനാഴ്ച മുതൽ 12 നും 14 നും ഇടയിലുള്ള കുട്ടികൾക്കും പ്രതിരോധ വാക്സിൻ നൽകി തുടങ്ങി. കൊറോണയുടെ പിടിയിൽ നിന്നും തങ്ങളെ സുരക്ഷിതരാക്കിയതിൽ പ്രധാനമന്ത്രിയ്ക്ക് നന്ദി പറയുകയാണ് വാക്സിൻ സ്വീകരിച്ച അഹമ്മദാബാദിലെ കുട്ടികൾ.
കൊറോണയിൽ നിന്നും തങ്ങളെ മുക്തരാക്കിയ പ്രധാനമന്ത്രിയ്ക്ക് നന്ദി പറയുന്നുവെന്ന് വാക്സിൻ സ്വീകരിച്ചതിന് ശേഷം എട്ടാം ക്ലാസ് വിദ്യാർത്ഥിയായ തനു പറഞ്ഞു. അർഹരായ എല്ലാവരും നിർബന്ധമായും വാക്സിൻ സ്വീകരിക്കണം. മുൻകരുതലെന്ന നിലയിലാണ് എല്ലാവർക്കും കേന്ദ്രസർക്കാർ വാക്സിൻ നൽകുന്നതെന്നും തനു പ്രതികരിച്ചു.
തന്റെ പ്രായത്തിലുള്ള എല്ലാവരോടും വാക്സിൻ സ്വീകരിക്കാൻ ആവശ്യപ്പെടുകയാണെന്ന് മറ്റൊരു വിദ്യാർത്ഥിനിയായ പ്രിയ പറഞ്ഞു. പ്രതിരോധ വാക്സിൻ കൊറോണയിൽ നിന്നും ആളുകളെ മുക്തരാക്കുന്നു. വാക്സിൻ അനുവദിച്ച പ്രധാനമന്ത്രിയ്ക്ക് നന്ദി. വാക്സിൻ നമ്മുടെ സുരക്ഷയ്ക്ക് ആണെന്നും പ്രിയ കൂട്ടിച്ചേർത്തു.
Comments