ഇടുക്കി:മുല്ലപ്പെരിയാർ ഡാമിലെ സുരക്ഷ വീഴ്ചയിൽ ഉദ്യോഗസ്ഥർക്ക് എതിരെ നടപടി ഉണ്ടാകും.ഡ്യൂട്ടിയിൽ ഉണ്ടായിരുന്ന പോലീസുകാരോട് വിശദീകരണം തേടി
ഞായറാഴ്ച നാലു പേർ മുല്ലപെരിയാർ അണക്കെട്ടിലേക്ക് നിയമവിരുദ്ധമായി കയറിയിരുന്നു ഇവർ എത്തിയത് പോലീസുകാർ ജിഡിയിൽ എഴുതിയിരുന്നില്ല.വിരമിച്ച പോലീസ് ഉദ്യോഗസ്ഥർ ഉൾപ്പടെ എത്തിയത് ഡിവൈഎസ്പിയെ പോലീസുകാർ അറിയിച്ചില്ലെന്നാണ് ആരോപണം.
വിവരം ഡിവൈഎസ്പി അറിഞ്ഞതിന് ശേഷമാണ് കേസ് എടുത്തത്.സുരക്ഷ വീഴ്ച സംബന്ധിച്ച് ഡിവൈഎസ്പിയ്ക്ക് റിപ്പോർട്ട് നൽകും.സംഭവത്തിൽ പോലീസുകാരുടെ ഭാഗത്ത് ഉണ്ടായത് ഗുരുതര വീഴ്ചയാണെന്നാണ് റിപ്പോർട്ട്.
കഴിഞ്ഞ ഞായറാഴ്ചയായിരുന്നു സംഭവം. നാലംഗ സംഘമാണ് മുല്ലപ്പെരിയാറിൽ എത്തിയത്. റിട്ടയേർഡ് എസ്ഐമാരും, തമിഴ്നാട് ജലസേചന വകുപ്പ് ഉദ്യോഗസ്ഥനും അടങ്ങുന്ന സംഘമായിരുന്നു ഇത്. തമിഴ്നാടിന്റെ ബോട്ടിൽ എത്തിയ ഇവരെ പോലീസ് തടഞ്ഞില്ലെന്നാണ് വിവരം. ഇതിന് പുറമേ ഇവരുടെ പേരുകൾ ജിഡി രജിസ്റ്ററിൽ പോലീസ് രേഖപ്പെടുത്തുകയും ചെയ്തില്ല.
ജലസേചന വകുപ്പ് ഉദ്യോഗസ്ഥൻ ഒഴികെ മറ്റ് മൂന്ന് പേരും മലയാളികൾ ആണെന്നാണ് റിപ്പോർട്ടുകൾ. വിരമിച്ച രണ്ട് എസ്ഐമാരും കേരള പോലീസിൽ ഉണ്ടായിരുന്നവരാണെന്നും റിപ്പോർട്ട് ഉണ്ട്.
Comments