അപകടകാരിയായ ഒരു ഉൽക്ക ഭൂമിയോട് അടുക്കുന്നുവെന്ന റിപ്പോർട്ട് പുറത്തുവിട്ട് നാസ. ഭൂമിയിൽ വ്യാപക നാശനഷ്ടങ്ങൾ വരുത്താൻ സാധിക്കുന്ന ഉൽക്ക 50,000 കിലോമീറ്റർ വേഗതയിലാണ് ഭൂമിയ്‌ക്കരികിലേക്ക് എത്തുന്നത്.
2013 BO76 എന്ന് പേരിട്ടിരിക്കുന്ന ഈ ഛിന്നഗ്രഹം 49513.45 കിലോമീറ്റർ വേഗതയിലാണ് ഭൂമിയ്‌ക്കടുത്തേക്ക് വരുന്നത്. കാഴ്ചയിൽ കുഞ്ഞനാണെങ്കിലും ന്യൂയോർക്കിലെ എംപയർ സ്റ്റേറ്റ് ബിൽഡിംഗിന്റെ അത്ര വലുപ്പമുണ്ട് ഇതിനെന്ന് ഗവേഷകർ പറയുന്നു. ‘വളരെ അപകടകാരി’ എന്ന വിഭാഗത്തിലാണ് നാസ ഇതിനെ കണക്കാക്കിയിരിക്കുന്നത്.
എന്നാൽ 51,11,759 കിലോമീറ്റർ അകലത്തിൽ എത്തുമ്പോൾ ഈ ഉൽക്ക ഭൂമിയെ മറികടന്ന് പോകുമെന്നാണ് കണ്ടെത്തൽ. മാർച്ച് 24, വ്യാഴാഴ്ചയാണ് ഇത് ഭൂമിയ്‌ക്കരികിലൂടെ സഞ്ചരിക്കുക. ഇതാദ്യമായല്ല ഭൂമിയ്‌ക്ക് സമീപത്ത് കൂടി ഈ ഉൽക്ക കടന്നുപോകുന്നത്.
2013 ലും ഇതേ ഉൽക്ക ഭൂമിയ്‌ക്കരികിലൂടെ ഉൽക്ക സഞ്ചരിച്ചിട്ടുണ്ട്. 78,88,295 കിലോമീറ്റർ അകലത്തിലാണ് അന്നത് പോയത്. 11 വർഷത്തിന് ശേഷം 2033 ജൂലൈ 14 നും ഈ ഉൽക്ക ഭൂമിക്ക് അരികിലൂടെ സഞ്ചരിക്കും. ഭൂമിയിൽ നിന്നും 1,91,85,92 ദൂരത്തിലായിരിക്കും അന്നത് സഞ്ചരിക്കുക എന്ന് നാസയുടെ ജെറ്റ് പ്രൊപൾഷൻ ലബോറട്ടറി അറിയിച്ചു.
