മലയാളത്തിന്റെ സ്വന്തം ‘ഹൃദയം’ സ്വന്തമാക്കി ധർമ്മ പ്രൊഡക്ഷൻസും, ഫോക്സ് സ്റ്റാർ സ്റ്റുഡിയോസും. ചിത്രം ഹിന്ദി, തമിഴ്, തെലുങ്ക് ഭാഷകളിൽ ഇനി എത്തും. ഹൃദയ നായകൻ പ്രണവ് മോഹൻലാലാണ് വാർത്ത ഫേസ്ബുക്കിലൂടെ പുറത്ത് വിട്ടത്. പിന്നാലെ മോഹൻലാലും പോസ്റ്റ് പങ്കുവെച്ചു.
‘ഹൃദയത്തിന്റെ ഹിന്ദി, തമിഴ്, തെലുങ്ക് റീമേക് അവകാശങ്ങൾ ധർമ്മ പ്രൊഡക്ഷൻസും, ഫോക്സ് സ്റ്റാർ സ്റ്റുഡിയോസും ചേർന്ന് സ്വന്തമാക്കിയതിൽ അതിയായ സന്തോഷം തോന്നുന്നു’ എന്ന അടിക്കുറിപ്പോടെയാണ് പ്രണവ് പോസ്റ്റ് പങ്കുവെച്ചത്.
I’m very happy to share that the Hindi, Tamil and Telugu remake rights of #Hridayam have been acquired by Dharma Productions and Fox Star Studios. 🙂
Posted by Pranav Mohanlal on Thursday, March 24, 2022
ജനുവരി 21നാണ് ചിത്രം തീയേറ്ററിൽ എത്തിയത്. ഫെബ്രുവരി 18ന് ചിത്രം ഹോട്ട്സ്റ്റാറിലുമെത്തി. അഞ്ച് വർഷത്തെ ഇടവേളയ്ക്ക് ശേഷം വിനീത് ശ്രീനിവാസന്റെ സംവിധാനത്തിൽ എത്തിയ ചിത്രമാണ് ഹൃദയം. പ്രണവിന് പുറമെ കല്യാണി പ്രിയദർശൻ, ദർശന തുടങ്ങിയവരാണ് ചിത്രത്തിൽ പ്രധാന വേഷങ്ങളായി എത്തിയത്.
ചെന്നൈ മുഖ്യ ലൊക്കേഷനായ ചിത്രം തമിഴ് പ്രേക്ഷകരേയും ആകർഷിച്ചിരുന്നു. ഹിഷാം അബ്ദുൾ വഹാബ് ഈണം നൽകിയ 15 ഗാനങ്ങൾ ചിത്രത്തിലുണ്ട്. മെറിലാൻഡ് സിനിമാസിന്റെ ബാനറിൽ വിശാഖ് സുബ്രഹ്മണ്യമായിരുന്നു നിർമ്മാണം.
Comments