തിരുവനന്തപുരം: സർക്കാർ സേവനങ്ങൾ ലഭ്യമാക്കുന്നതിനായുള്ള അപേക്ഷാ ഫോമുകളിൽ താഴ്മയായി എന്ന വാക്ക് ഒഴിവാക്കി. പകരം അഭ്യർത്ഥിക്കുന്നു പോലുള്ള വാക്കുകൾ ഉപയോഗിക്കാൻ നിർദ്ദേശം. ഇതുസംബന്ധിച്ച ഉത്തരവ് സർക്കാർ പുറത്തിറക്കി.
മുൻപ് വിവിധ സർക്കാർ സേവനങ്ങൾക്കായി അപേക്ഷ എഴുതുമ്പോൾ ‘താഴ്മയായി അപേക്ഷിക്കുന്നു’ എന്ന് ചേർക്കുന്ന കീഴ്‌വഴക്കം ഉണ്ടായിരുന്നു. ഈ ശൈലിയിലാണ് മാറ്റം വരുത്തുന്നത്. സർക്കാർ സേവനങ്ങൾ ജനങ്ങളുടെ അവകാശമാണെന്ന് സർക്കാർ ഉത്തരവിൽ പറയുന്നു.
സർ വിളി വേണ്ടെന്ന് വെച്ചതിന് പിന്നാലെയാണ് പുതിയ മാറ്റവും. സർക്കാർ ഓഫീസുകളിലെ ജീവനക്കാരെ സർ/ മാഡം എന്നിങ്ങനെയാണ് സാധാരണ നിലയിൽ അഭിസംബോധന ചെയ്യാറുള്ളത്. ബ്രിട്ടീഷ് കോളനി വത്കണ കാലത്തെ രീതിയാണ് സർ വിളിയെന്ന് നിരീക്ഷിച്ചാണ് ഇത് ഒഴിവാക്കിയത്.
