പാരീസ്: ഫ്രഞ്ച് ലീഗിൽ പിഎസ്ജിയ്ക്ക് തകർപ്പൻ ജയം. ലോറിയന്റിനെ ഒന്നിനെതിരെ അഞ്ചു ഗോളുകൾക്കാണ് പിഎസ്ജി നിര തകർത്തുവിട്ടത്. ഇരട്ടഗോളുകളോടെ എംബാപ്പേയും നെയ്മറും കളം നിറഞ്ഞപ്പോൾ ലയൺ മെസിയും തന്റെ വക ഒരു ഗോൾ ടീമിന് സമ്മാനിച്ചു.
കളിയുടെ 12, 90 മിനിറ്റുകളിലാണ് ബ്രസീലിയൻ സൂപ്പർ സട്രൈക്കർ നെയ്മർ രണ്ടു തവണ ലോറിയന്റിന്റെ വല ചലിപ്പിച്ചത്. എതിരാളിയുടെ തട്ടകത്തിൽ പാഞ്ഞുകയറി ഫ്രഞ്ച് മണ്ണിലെ കരുത്തൻ കിലിയൻ എംബാപ്പെ 28, 67 മിനിറ്റുകളിൽ ഇരട്ട ഗോളുകൾ നേടി. ലയണൽ മെസി 73-ാം മിനിറ്റിലാണ് ഗോൾ നേടിയത്.
ലീഗിലെ മുപ്പതാം മത്സരത്തിലാണ് പിഎസ്ജി ജയം നേടിയത്. ഇതോടെ 21 ജയം നേടി 68 പോയിന്റുകളുമായി പിഎസ്ജി മുന്നിലാണ്. മാഴ്സലെ, റെന്നസ്, സ്റ്റാർസ്ബർഗ്, നീസ് എന്നീ ക്ലബ്ബുകളാണ് ആദ്യ അഞ്ച് സ്ഥാനങ്ങളിലുള്ളത്. ലയൺ ഒമ്പതാം സ്ഥാനത്തേക്ക് പിന്തള്ളപ്പെട്ടു.
Comments