ബെജിയിംഗ്: ചൈനയിൽ കൊറോണയുടെ നാലാം തരംഗം രൂക്ഷമായിരിക്കുകയാണ്. ഷാങ്ഹായിയിലാണ് ഏറ്റവും കൂടുതൽ രോഗികളുള്ളത്. ഇവിടെ കർശന നിയന്ത്രണങ്ങളാണ് സർക്കാർ ഏർപ്പെടുത്തിയിരിക്കുന്നത്. കൊറോണ പ്രതിരോധ പ്രവർത്തനങ്ങളുടെ ഭാഗമായി വിചിത്ര നിയന്ത്രണങ്ങളാണ് ചൈനീസ് സർക്കാർ ഏർപ്പെടുത്തിയിരിക്കുന്നത്. ജനങ്ങൾക്ക് നിർദ്ദേശം നൽകുന്ന ഇത്തരത്തിലുള്ള ഒരു വീഡിയോയാണ് ഇപ്പോൾ പുറത്തുവരുന്നത്.
കൊറോണ പ്രതിരോധ പ്രവർത്തനങ്ങളുടെ ഭാഗമായി ആളുകൾ പ്രത്യേകം മുറികളിൽ ഉറങ്ങണം. ദമ്പതികൾ പരസ്പരം ചുംബിക്കരുത്, ആലിംഗനം ചെയ്യരുത്, പരസ്പരം അടുത്തിരുന്ന് ഭക്ഷണം കഴിക്കാൻ പാടില്ല എന്നിങ്ങനെയുള്ള നിർദ്ദേശങ്ങളാണ് അധികൃതർ നൽകുന്നത്. ചൈനയിലെ നിലവിലെ കൊറോണ വ്യാപനത്തിന്റെ ഹോട്സ്പോട്ടാണ് ഷാങ്ഹായി. ഇവിടെ അധികൃതർ എത്തി മെഗാഫോണിലൂടെ ജനങ്ങൾക്ക് നിർദ്ദേശം നൽകുന്നതാണ് വീഡിയോയിലുള്ളത്. ഇന്ന് രാത്രി മുതൽ ഈ നിർദ്ദേശങ്ങൾ പാലിക്കണമെന്നാണ് അധികൃതർ പറയുന്നത്.
ജനങ്ങളോട് ഒരു കാരണവശാലും പുറത്തേയ്ക്ക് ഇറങ്ങരുതെന്നും നിർദ്ദേശമുണ്ട്. 2.6 കോടി ജനങ്ങളാണ് ഷാങ്ഹായിയിൽ മാത്രമുള്ളത്. ജനങ്ങളെ നിരീക്ഷിക്കാനായി നഗരത്തിൽ ഡ്രോണുകളേയും റോബോർട്ടുകളേയും ഏർപ്പെടുത്തിയിട്ടുണ്ട്. ജനാലകളും വാതിലുകളും തുറക്കരുതെന്നും നിർദ്ദേശമുണ്ട്. എല്ലാവർക്കും ആവശ്യമുള്ള സാധനങ്ങൾ വീടുകളിൽ എത്തുമെന്നാണ് സർക്കാരിന്റെ വാഗ്ദാനം.
This is more funny. “From tonight, couple should sleep separately, don’t kiss, hug is not allowed, and eat separately. Thank you for your corporation! “ pic.twitter.com/ekDwLItm7x
— Wei Ren (@WR1111F) April 6, 2022
Comments