ന്യൂഡൽഹി: ലോക്സഭ സെക്ഷനിടെ ഡെസ്കിൽ തലവെച്ച് സുപ്രിയ സുലേ എംപിയുമായി സംസാരിക്കുന്ന ശശി തരൂർ എംപിയുടെ വീഡിയോ ആഘോഷമാക്കി ട്രോളൻമാർ. ഡെസ്കിലേക്ക് ചാഞ്ഞു കിടന്ന് സുപ്രിയയുടെ സംസാരം ശ്രദ്ധിക്കുന്ന തരൂരിന്റെ വീഡിയോ അല്ലു അർജുൻ ചിത്രം പുഷ്പയിലെ ശ്രീവല്ലി ഗാനം ചേർത്താണ് പ്രചരിക്കുന്നത്
മുതിർന്ന നേതാവും ജമ്മുകശ്മീർ മുൻ മുഖ്യമന്ത്രിയുമായ ഫാറൂഖ് അബ്ലുള്ള സംസാരിക്കുമ്പോഴാണ് പിന്നിൽ തരൂരും സുപ്രിയയും കാര്യമായി എന്തോ ചർച്ച നടത്തുന്നത്. ലോക് സഭയിൽ റഷ്യ-യുക്രെയ്ൻ യുദ്ധം സംബന്ധിച്ച ചർച്ച നടക്കുമ്പോഴായിരുന്നു തരൂരിന്റേയും സുപ്രിയയുടേയും സംസാരം.
ഇതിന് മുൻപ് പാർലമെന്റ് സമ്മേളനത്തിനിടെ വനിതാ എംപിമാരോടൊപ്പമുള്ള ചിത്രം തരൂർ പങ്കുവെച്ചത് വലിയ വിവാദമായിരുന്നു. തൃണമൂൽ കോൺഗ്രസ് എംപിയും നടിയുമായ മിമി ചക്രബർത്തി, നുസ്രത് ജഹാൻ, കോൺഗ്രസ് എംപി ജോതിമണി സെന്നിമലൈ, ഡിഎംകെ എംപി തമിഴാച്ചി തങ്കപാണ്ഡ്യൻ, എൻസിപി എംപി സുപ്രിയ സുലേ, അമരീന്ദർ സിംഗിന്റെ ഭാര്യയും പഞ്ചാബിൽ നിന്നുള്ള എംപിയുമായ പ്രണീത് കൗർ എന്നിവരോടൊപ്പമുള്ള ചിത്രമായിരുന്നു തരൂർ പങ്കുവെച്ചത്.
It was a great speech by Farooq Abdullah. Must listen for everyone. @ShashiTharoor pic.twitter.com/STQe0yulxG
— Farrago Abdullah (@abdullah_0mar) April 6, 2022
ആര് പറഞ്ഞു ലോക്സഭ ജോലി ചെയ്യാൻ ആകർഷകമായ സ്ഥലമല്ലെന്ന് , ഇന്ന് രാവിലെ എന്റെ ആറ് സഹ എംപിമാർക്കൊപ്പം’ എന്ന കുറിപ്പോടെയാണ് ശശീതരൂർ ഫോട്ടോ ട്വീറ്റ് ചെയ്തത്. ഇതിന് പിന്നാലെ പോസ്റ്റ് വലിയ വിമർശനത്തിന് കാരണമായി തീർന്നിരുന്നു.സ്ത്രീകളെ അവരുടെ സൗന്ദര്യം വെച്ച് അളക്കേണ്ട സ്ഥലമല്ല ലോക്സഭയെന്നായിരുന്നു പലരുടേയും വിമർശനം.ഫോട്ടോ പോസ്റ്റ് ചെയ്തതിന് പിന്നാലെ നിരവധി ട്രോളുകളാണ് ശശി തരൂരിനെതിരെ വന്നത്
Comments