ചൈനയിലെ ഏറ്റവും വലിയ നഗരവും സാമ്പത്തിക കേന്ദ്രവുമായ ഷാങ്ഹായിൽ ലോക്ഡൗൺ മൂലം ജനങ്ങൾ ദുരിതത്തിൽ. നഗരവാസികൾ ചൈനയുടെ ‘സീറോ കോവിഡ്’ നയത്തിന് അനുസൃതമായി ഏപ്രിൽ 1 മുതൽ കർശനമായ ലോക്ക്ഡൗണിന് വിധേയരായിരിക്കുകയാണ്. കർശനമായ ലോക്ഡൗൺ നടപടികളെയാണ് ജനങ്ങൾ ചോദ്യം ചെയ്യുന്നത്. ഇതിന് ഒരു അവസാനമില്ലേ എന്നാണ് ജനങ്ങളുടെ ചോദ്യം.
26 ദശലക്ഷം നിവാസികൾ അവരുടെ വീടുകളിൽ നിന്ന് പുറത്തിറങ്ങുന്നത് നിരോധിച്ചിരിക്കുന്നതിനാൽ പ്രതിഷേധത്തിലാണ്. ഭക്ഷണം കിട്ടാതെ പട്ടിണി കിടന്ന് മരിക്കുന്ന സ്ഥിതായിലാണ് ജനങ്ങളെന്ന് നഗരവാസികൾ പറയുന്നു. നിരവധി ലോജിസ്റ്റിക്കൽ വെല്ലുവിളികൾ നേരിടുന്ന സർക്കാർ റേഷൻ വിതരണ സംവിധാനത്തെ ആശ്രയിക്കേണ്ടിവരുന്നത് ദുരിതം ഇരട്ടിക്കുന്നതായും അവർ പറഞ്ഞു.
2019ൽ വുഹാനിൽ ഉണ്ടായതിനേക്കാൾ മോശം സ്ഥിതിയാണ് ഷാങ്ഹായിൽ ഇപ്പോഴുളളതെന്ന് റിപ്പോർട്ടുണ്ട്. തുടക്കത്തിൽ അധികൃതർ ഘട്ടം ഘട്ടമായുള്ള നിയന്ത്രണങ്ങൾ ആസൂത്രണം ചെയ്തുവെങ്കിലും കൊറോണ കേസുകൾ ഗണ്യമായി കൂടിയതിനാൽ ലോക്ഡൗൺ കർശനമാക്കി. മുഴുവൻ സാമ്പത്തിക പ്രവർത്തനങ്ങളും ഒരേസമയം നിർത്തിവെയ്‌ക്കാനും വൻതോതിലുള്ള കൊറോണ ടെസ്റ്റിംഗ് സൈറ്റുകൾ ആരംഭിക്കാനും അവരെ പ്രേരിപ്പിച്ചു.
നഗരത്തിൽ 21,000ലിധികം പോസിറ്റീവ് കേസുകൾ രേഖപ്പെടുത്തിയിട്ടുണ്ട്. ഭക്ഷ്യക്ഷാമം, പട്ടിണി, തുടങ്ങി നിരവധി ദുരിതങ്ങളാണ് പ്രദേശവാസികൾ അനുഭവിക്കുന്നത്. ക്വാറന്റീനിൽ കഴിയുന്ന ആളുകൾ അവരുടെ പാത്രങ്ങൾ അടിച്ചും മറ്റും പ്രതിഷേധം ഉണ്ടാകുകയാണെന്ന് റിപ്പോർട്ട് പുറത്തുവരുന്നുണ്ട്. ലോക്ക്ഡൗൺ സമയത്ത് ബാൽക്കണി തുറന്നപ്പോൾ, ഒരു ഡ്രോൺ പ്രത്യക്ഷപ്പെട്ടതായി താമസക്കാർ വ്യക്തമാക്കി.
”ദയവായി കോവിഡ് നിയന്ത്രണങ്ങൾ പാലിക്കുക. സ്വാതന്ത്ര്യത്തിനായുള്ള നിങ്ങളുടെ ആത്മാവിന്റെ ആഗ്രഹം നിയന്ത്രിക്കുക. ജനൽ തുറക്കുകയോ പാടുകയോ ചെയ്യരുത്. ‘കോവിഡ് നിയന്ത്രണങ്ങൾ പാലിക്കുക, സ്വാതന്ത്ര്യത്തിനായുള്ള നിങ്ങളുടെ ആഗ്രഹം നിയന്ത്രിക്കുക’ എന്ന സന്ദേശമാണ് അതിൽ അടങ്ങിയിരുന്നത്. ഭക്ഷണ വിതരണത്തിന്റെ അഭാവത്തെക്കുറിച്ചും വിതരണ കാലതാമസത്തെക്കുറിച്ചും താമസക്കാർ പരാതിപ്പെടുകയാണ്. അവശ്യ തൊഴിലാളികളും ഡെലിവറി ജീവനക്കാരും കുറവായതിനാൽ ഭക്ഷണം വിതരണം ചെയ്യുന്നത് വളരെ പിന്നിലാണെന്ന് ചൈനീസ് അധികാരികൾ തന്നെ സമ്മതിച്ചു.
ഇത് വളരെ ജനസാന്ദ്രതയുള്ള നഗരമാണ്, സർക്കാർ വിതരണം മതിയാകുമെന്ന് ഞാൻ കരുതുന്നില്ല,’ ചൈനീസ് പത്രപ്രവർത്തകൻ വെയ്ബോയിലും ട്വിറ്റർ പോസ്റ്റിലും സ്ഥിതിഗതികൾ പ്രത്യേകം വിവരിച്ചു. കേസുകൾ കണ്ടെത്തുന്നതിനും ഒറ്റപ്പെടുത്തുന്നതിനുമായി ചൈനീസ് അധികാരികൾ നഗര വ്യാപകമായ പരിശോധന ആരംഭിച്ചതിനാൽ ഏപ്രിൽ 5ന് അവസാനിക്കാനിരുന്ന ലോക്ക്ഡൗൺ നടപടികൾ അനിശ്ചിതമായി നീട്ടി. പരിശോധനയിലും ക്വാറന്റൈൻ നടപടിക്രമങ്ങളിലും സഹായിക്കാൻ 2,000 സൈനികരെയും വിന്യസിച്ചിട്ടുണ്ട്.
