ന്യൂഡൽഹി : ബോളിവുഡ് താരം സോനം കപൂറിന്റെ ഡൽഹിയിലെ വസതിയിൽ മോഷണം നടത്തിയത് വീട്ടിലെ നഴ്സും ഭർത്താവും ചേർന്ന്. രണ്ട് പേരെയും പോലീസ് അറസ്റ്റ് ചെയ്തു. 2.4 കോടി വില വരുന്ന പണവും സ്വർണവുമാണ് ഇവർ വീട്ടിൽ നിന്നും കവർന്നത്.
ഫെബ്രുവരിയിലായിരുന്നു സംഭവം. സോനത്തിന്റെ ഭർതൃമാതാവിന്റെ സഹായിയായ അപർണ റൂത്ത് വിൽസൺ, ഭർത്താവും സ്വകാര്യ കമ്പനിയിലെ അക്കൗണ്ടന്റുമായ നരേഷ് കുമാർ സാഗർ എന്നിവരാണ് കവർച്ച നടത്തിയത്.
ഡൽഹി പോലീസ് ക്രൈം ബ്രാഞ്ചും ഡൽഹി സ്പെഷ്യൽ സ്റ്റാഫ് ബ്രാഞ്ച് അംഗങ്ങളും ചേർന്ന് ചൊവ്വാഴ്ച രാത്രി നടത്തിയ റെയ്ഡിലാണ് അപർണയും ഭർത്താവും പിടിയിലായത്. എന്നാൽ മോഷണ മുതൽ കണ്ടെത്താനായിട്ടില്ല. സംഭവത്തിൽ അന്വേഷണം നടക്കുകയാണെന്നും നടിയുടെ വീട്ടിലുള്ളവരെ ചോദ്യം ചെയ്ത് കഴിഞ്ഞതായും പോലീസ് അറിയിച്ചു.
Comments