മലപ്പുറം :സന്തോഷ് ട്രോഫി ഫുട്‌ബോൾ മത്സരങ്ങൾക്ക് ഇന്ന് മലപ്പുറത്ത് തുടക്കം. രാവിലെ 9.30 ന് വെസ്റ്റ് ബംഗാൾ പഞ്ചാബിനെ നേരിടും . മലപ്പുറം കോട്ടപ്പടി സ്റ്റേഡിയത്തിലാണ് മത്സരം.
പ്രതീക്ഷകളോടെ കേരളവും ഇന്ന് കളത്തിലിറങ്ങും. രാത്രി എട്ടിന് മഞ്ചേരി പയ്യനാട് സ്റ്റേഡിയത്തിൽ നടക്കുന്ന മത്സരത്തിൽ രാജസ്ഥാനാണ് എതിരാളികൾ . കരുത്തരായ പഞ്ചാബും ബംഗാളും മേഘാലയയും ഉൾപ്പെടുന്ന എ ഗ്രൂപ്പിലാണ് കേരളം. കേരളത്തിന്റെ മത്സരങ്ങളെല്ലാം പയ്യനാട് സ്റ്റേഡിയത്തിലാണ് നടക്കുക.
മെയ് രണ്ടിനാണ് ഫൈനൽ മത്സരം. ഇത്തവണ യുവരക്തമാണ് ജിജോ ജോസഫ് നയിക്കുന്ന കേരളത്തിന്റെ ശക്തി. ശക്തമായ മുന്നേറ്റ നിരയും കേരളത്തിന്റെ കരുത്താണ്. ദക്ഷിണ മേഖലാ യോഗ്യതാ റൗണ്ടിൽ മൂന്നു കളികളിൽ നിന്നു മാത്രം 17 ഗോളടിച്ചാണ് കേരളത്തിന്റെ വരവ്.
