പാലക്കാട്: പോപ്പുലർ ഫ്രണ്ടിന്റെ ആക്രമണത്തിൽ കൊല്ലപ്പെട്ട ആർഎസ്എസ് മുൻ ശാരീരിക് ശിക്ഷൺ പ്രമുഖ് ശ്രീനിവാസിന്റെ കുടുംബത്തെ ഏറ്റെടുത്ത് സംഘപരിവാർ. കുടുംബത്തെ സംരക്ഷിക്കുന്നതിനായി സംഘപരിവാർ സഹായ നിധി രൂപീകരിച്ചു. ബിജെപി സംസ്ഥാന അധ്യക്ഷൻ കെ സുരേന്ദ്രനാണ് ഇക്കാര്യം ഫേസ്ബുക്കിലൂടെ പങ്കുവെച്ചത്.
‘ഈ കുടുംബത്തെ സംരക്ഷിച്ചുനിർത്താനുള്ള ചുമതല നമ്മുടെ നാടിനെ സ്നേഹിക്കുന്ന ഓരോരുത്തർക്കുമുണ്ട്. ഉദാരമായി സഹായിക്കണമെന്ന് വിനീതമായി അഭ്യർത്ഥിക്കുന്നു…’ എന്നാണ് സുരേന്ദ്രൻ ഫേസ്ബുക്കിൽ കുറിച്ചത്. അതേസമയം കൊലപാതകത്തിന് പിന്നിൽ രാഷ്ട്രീയ വൈരാഗ്യമാണെന്ന് എഫ്ഐആറിൽ പറയുന്നുണ്ട്. കണ്ടാലറിയാവുന്ന ആറ് പേരാണ് കൊലപാതകം നടത്തിയത്. പോപ്പുലർ ഫ്രണ്ട് പ്രവർത്തകൻ സുബൈർ കൊല്ലപ്പെട്ടതിന് പിന്നാലെ രാഷ്ട്രീയ വൈരാഗ്യം തീർക്കുന്നതിനായി ശ്രീനിവാസനെ അക്രമികൾ വെട്ടിക്കൊല്ലുകയായിരുന്നു.
ശനിയാഴ്ച ഉച്ചയ്ക്കാണ് പോപ്പുലർ ഫ്രണ്ട് പ്രവർത്തകരുടെ സംഘമെത്തി ശ്രീനിവാസനെ വെട്ടിക്കൊന്നത്. ആറ് പേരായിരുന്നു അക്രമിസംഘത്തിൽ ഉണ്ടായിരുന്നത്. വാളുകളുമായി എത്തിയ മൂന്ന് പേർ കടയ്ക്ക് അകത്ത് നിൽക്കുകയായിരുന്ന ശ്രീനിവാസനെ വെട്ടുകയായിരുന്നു. ശ്രീനിവാസനെ ആക്രമിക്കാൻ ബൈക്കിലെത്തിയ സംഘത്തിന്റെ സിസിടിവി ദൃശ്യങ്ങളും പുറത്ത് വന്നിരുന്നു. ശരീരത്തിലാകെ പത്തിലധികം മുറിവുകൾ സംഭവിച്ചതായാണ് ഇൻക്വിസ്റ്റ് റിപ്പോർട്ട്.
ശ്രീനിവാസന്റെ കുടുംബത്തിന് സഹായം നൽകുന്നതിനായുള്ള അക്കൗണ്ട് നമ്പറും മറ്റ് വിവരങ്ങളും ചുവടെ
GOPIKA S
IFSC: SBIN0009157
ACCOUNT NUMBER: 33499214908
GOOGLE PAY: 8089498338
Comments