ത്രിദിന സന്ദർശനത്തിനായി പ്രധാനമന്ത്രി മോദി ഗുജറാത്തിലെത്തി; നിരവധി പദ്ധതികൾക്ക് തുടക്കം കുറിക്കും

മൂന്ന് ദിവസത്തെ ഗുജറാത്ത് സന്ദർശനത്തിനായി പ്രധാനമന്ത്രി നരേന്ദ്ര മോദി തിങ്കളാഴ്ച അഹമ്മദാബാദിലെത്തി. വിമാനത്താവളത്തിൽ പ്രധാനമന്ത്രി മോദിയെ ഗുജറാത്ത് മുഖ്യമന്ത്രി ഭൂപേന്ദ്ര പട്ടേലും ഗവർണർ ആചാര്യ ദേവ്രത്തും ചേർന്ന് സ്വീകരിച്ചു. പ്രധാനമന്ത്രി മോദിയുടെ സംസ്ഥാന സന്ദർശന വേളയിൽ ആഗോള നേതാക്കൾ പിന്നീട് ഒപ്പം ചേരും. പ്രധാനമന്ത്രി മോദിക്കൊപ്പം മൗറീഷ്യൻ പ്രധാനമന്ത്രി പ്രവിന്ദ് കുമാർ ജുഗ്നൗത്തും ലോകാരോഗ്യ സംഘടന തലവൻ ഡോ ടെഡ്രോസ് ഗെബ്രിയേസസും പങ്കെടുക്കുന്നതിനാൽ മൂന്ന് ദിവസത്തെ സന്ദർശനം ആഗോള ശ്രദ്ധയാകർഷിക്കും.

The Prime Minister landed in Ahmedabad a short while ago. He was received by Governor @ADevvrat, CM @Bhupendrapbjp and other dignitaries. pic.twitter.com/yKZHPaGaxV

— PMO India (@PMOIndia) April 18, 2022

ഗുജറാത്ത് സന്ദർശനത്തിന്റെ ആദ്യ ദിവസം പ്രധാനമന്ത്രി മോദി സ്‌കൂളുകൾക്കായുള്ള കമാൻഡ് ആൻഡ് കൺട്രോൾ സെന്റർ സന്ദർശിക്കും. ചൊവ്വാഴ്ച രാവിലെ ദിയോദറിലെ ബനാസ് ഡയറി സങ്കുലിലും രാവിലെ ബനസ്‌കന്തയിലും ഒന്നിലധികം വികസന പദ്ധതികൾക്ക് അദ്ദേഹം തറക്കല്ലിടും.
ഉച്ചകഴിഞ്ഞ് ലോകാരോഗ്യ സംഘടന(ഡബ്ല്യുഎച്ച്ഒ) ജാംനഗറിൽ സ്ഥാപിക്കുന്ന സംഘടനയുടെ ആദ്യ ഗ്ലോബൽ സെന്റർ ഫോർ ട്രഡീഷണൽ മെഡിസിൻ ശിലാസ്ഥാപന ചടങ്ങിൽ ഡയറക്ടർ ജനറൽ ഡോ ടെഡ്രോസ് ഗെബ്രിയേസസ് പങ്കെടുക്കും.

ഡോ ഗെബ്രിയേസസ് തിങ്കളാഴ്‌ച്ച രാജ്കോട്ടിലെത്തും, ജാംനഗറിൽ പ്രധാനമന്ത്രിക്കൊപ്പം ചേരുന്നതിന് മുമ്പ് രാത്രി നഗരത്തിൽ താമസിക്കും. തിങ്കളാഴ്ച രാത്രി മൗറീഷ്യസ് പ്രധാനമന്ത്രി രാജ്കോട്ടിലെത്തും. പുതുക്കിയ യാത്രാ പദ്ധതി പ്രകാരം ബുധനാഴ്ച രാവിലെ 10:30ന് പ്രധാനമന്ത്രി നരേന്ദ്ര മോദി ഗാന്ധിനഗറിൽ ഗ്ലോബൽ ആയുഷ് ഇൻവെസ്റ്റ്മെന്റ് ആൻഡ് ഇന്നൊവേഷൻ ഉച്ചകോടി ഉദ്ഘാടനം ചെയ്യും. മഹാത്മാ മന്ദിറിൽ സംഘടിപ്പിക്കുന്ന മൂന്ന് ദിവസത്തെ ആയുഷ് ഉച്ചകോടിയിൽ 90 ഓളം പ്രമുഖ പ്രഭാഷകരും 100 പ്രദർശകരും പങ്കെടുക്കും.

നിക്ഷേപ സാധ്യതകൾ കണ്ടെത്തുന്നതിനും നവീകരണത്തിനും ഗവേഷണത്തിനും വികസനത്തിനും വെൽനസ് വ്യവസായത്തിലെ സ്റ്റാർട്ടപ്പ് ആവാസവ്യവസ്ഥയ്‌ക്കും ഉത്തേജനം നൽകാനും ഉച്ചകോടി സഹായിക്കും. വ്യവസായ പ്രമുഖർ, അക്കാദമിക് വിദഗ്ധർ, പണ്ഡിതർ എന്നിവരെ ഒരുമിച്ച് കൊണ്ടുവരാനും ഭാവിയിലെ സഹകരണത്തിനുള്ള വേദിയായി പ്രവർത്തിക്കാനും ഇത് സഹായിക്കുമെന്ന് അധികൃതർ പറഞ്ഞു. പ്രധാനമന്ത്രി നരേന്ദ്ര മോദിയ്‌ക്കൊപ്പം ലോകാരോഗ്യ സംഘടനയുടെ ഡയറക്ടർ ജനറലും ചടങ്ങിൽ പങ്കെടുക്കും. ഉച്ചകഴിഞ്ഞ് 3.30ന് ദാഹോദിലെ ആദിജാതി മഹാ സമ്മേളനത്തിൽ അദ്ദേഹം പങ്കെടുക്കും. നിരവധി വികസന പദ്ധതികളുടെ ഉദ്ഘാടനവും തറക്കല്ലിടലും പ്രധാനമന്ത്രി മോദി നിർവഹിക്കുമെന്ന് അധികൃതർ അറിയിച്ചു.