തൃശൂർ : കുപ്രസിദ്ധ കുറ്റവാളി തക്കാളി രാജീവിനെ കാപ്പ ചുമത്തി റിമാന്റ് ചെയ്തു. കൊലപാതക ശ്രമം, കവർച്ച ഉൾപ്പെടെ നിരവധി ക്രിമിനൽ കേസുകളിൽ പ്രതിയാണ് ഇയാൾ. വിയ്യൂർ നെല്ലിക്കാട് സ്വദേശിയാണ് രാജീവ് എന്ന തക്കാളി രാജീവ് (36).
തൃശൂരിലെ ഒരു ബാർ ഹോട്ടലിൽ വെട്ടുകത്തിയുമായി അതിക്രമിച്ച് കയറുകയും ബാറിലെ സപ്ലെയറെ വെട്ടി പരിക്കേൽപ്പിക്കുകയും ചെയ് കേസിലെ പ്രതിയാണ് ഇയാൾ. പൊതു സമാധാനത്തിന് ഭീഷണിയായ ഇയാളെ കാപ്പ നിയമപ്രകാരം ഒരു വർഷം നാട് കടത്തിയിരുന്നു. വീണ്ടും കുറ്റകൃത്യങ്ങളിൽ ഏർപ്പെട്ടതിനാലാണ് ഇപ്പോൾ കാപ്പ ചുമത്തി ജയിലിൽ അടച്ചത്.
പെരിങ്ങാവിലുള്ള വീട്ടിൽ കയറി യുവാവിനെ തലയ്ക്കടിച്ച് കൊലപ്പെടുത്താൻ ശ്രമിച്ചു, മൊബൈൽ ഫോൺ കവർച്ച, സൂപ്പർമാർക്കറ്റിൽ അതിക്രമിച്ച് കയറി ഭീഷണിപ്പെടുത്തുകയും കടയുടമയെ ആക്രമിക്കുകയും ചെയ്തു എന്നീ കേസുകളും ഇയാളെ പ്രതിചേർത്തിരുന്നു.
ജില്ലാ പോലീസ് മേധാവി ആർ.ആദിത്യ ഐപിഎസിന്റെ റിപ്പോർട്ടിന്റെ അടിസ്ഥാനത്തിൽ ജില്ലാ മജിസ്ട്രേറ്റാണ് ഇയാളെ അറസ്റ്റ് ചെയ്യുവാൻ ഉത്തരവിട്ടത്.
