പ്രധാനമന്ത്രി സംസാരിക്കവേ ഇരു കൈകളും തലയ്‌ക്ക് പിന്നിൽ കസേരയിൽ കെട്ടി ‘അലസനായി ഇരുന്ന് കെജ്രിവാൾ’: മര്യാദയില്ലാത്ത മുഖ്യമന്ത്രിയെന്ന് ബിജെപി

ന്യൂഡൽഹി: ഡൽഹി മുഖ്യമന്ത്രി അരവിന്ദ് കെജ്രിവാൾ മര്യാദയില്ലാത്ത മുഖ്യമന്ത്രിയെന്ന് ബിജെപി. പ്രധാനമന്ത്രി ഇന്നലെ വിളിച്ചു ചേർത്ത കൊറോണ അവലോകന യോഗത്തിൽ പങ്കെടുത്തപ്പോഴുള്ള കെജ്രിവാളിന്റെ പെരുമാറ്റത്തിലാണ് ബിജെപിയുടെ വിമർശനം. പ്രധാനമന്ത്രി അഭിസംബോധന ചെയ്യവെ ഇരു കൈകളും തലയ്‌ക്ക് പിന്നിൽ കസേരയിൽ കെട്ടി അലസനായി ഇരിക്കുന്ന കെജ്രിവാളിന്റെ ദൃശ്യങ്ങൾ ബിജെപി പുറത്തുവിട്ടിരുന്നു.

‘ഡൽഹിയുടെ മര്യാദയില്ലാത്ത മുഖ്യമന്ത്രി’ എന്ന അടിക്കുറിപ്പോടെയാണ് വീഡിയോ പങ്കുവെച്ചത്. സംഭവത്തിൽ അരവിന്ദ് കെജ്രിവാളോ ആം ആദ്മി പാർട്ടി അംഗങ്ങളോ ഇതുവരെ പ്രതികരിച്ചിട്ടില്ല. വീഡിയോ പുറത്തുവന്നതോടെ കെജ്രിവാളിനെതിരെ വലിയ രീതിയിൽ വിമർശനം ഉയരുന്നുണ്ട്. ‘രാജ്യത്തെ പ്രധാനമന്ത്രിയാണ് സംസാരിക്കുന്നത്, അൽപമൊക്കെ ബഹുമാനമാകാ’മെന്നാണ് വീഡിയോക്ക് ലഭിക്കുന്ന പ്രതികരണം.

രാജ്യത്ത് കൊറോണ വ്യാപനം വീണ്ടും ഉയർന്ന സാഹചര്യത്തിലാണ് പ്രധാനമന്ത്രി, മുഖ്യമന്ത്രിമാരുടെ യോഗം വിളിച്ചു ചേർത്തത്. കൊറോണയ്‌ക്കെതിരായ പോരാട്ടം അവസാനിച്ചിട്ടില്ല, വൈറസ് വ്യാപനത്തെ അതിന്റെ ആദ്യഘട്ടത്തിൽ തന്നെ പ്രതിരോധിക്കണം, മെഡിക്കൽ കോളജുകളിലും ജില്ലാ ആശുപത്രികളിലും കൂടുതൽ സൗകര്യമേർപ്പെടുത്തണം എന്നിങ്ങനെയുള്ള കാര്യങ്ങളാണ് പ്രധാനമന്ത്രി യോഗത്തിൽ പറഞ്ഞത്.

Mannerless CM of Delhi! pic.twitter.com/yswnLNI6Ty

— BJP Delhi (@BJP4Delhi) April 27, 2022