ശ്രീനഗർ: കശ്മീരിൽ സിഐഎസ്എഫിന് നേരെയുണ്ടായ ഭീകരാക്രമണം ഇനി എൻഐഎ അന്വേഷിക്കും. കേസ് ദേശീയ അന്വേഷണ ഏജൻസിക്ക് കൈമാറിയതായി ആഭ്യന്തരമന്ത്രാലയം അറിയിച്ചു. കേന്ദ്രസർക്കാരിന്റെ ഔദ്യോഗിക ഉത്തരവ് വന്നാലുടൻ കേസന്വേഷണം ആരംഭിക്കുമെന്ന് എൻഐഎ വ്യക്തമാക്കി.
നിലവിൽ തീവ്രവാദ വിരുദ്ധ സേന സംഭവസ്ഥലത്ത് എത്തുകയും പരിശോധന നടത്തുകയും ചെയ്തതിന് പിന്നാലെയാണ് കേസന്വേഷണം എൻഐഎയ്ക്ക് കൈമാറാൻ തീരുമാനമായത്.
കഴിഞ്ഞ ഏപ്രിൽ 22നായിരുന്നു 15 സിഐഎസ്എഫ് ജവാന്മാരുമായി സഞ്ചരിച്ചിരുന്ന വാഹനം ഭീകരർ ആക്രമിച്ചത്. ജമ്മുവിലെ ഛദ്ദ സൈനിക ക്യാമ്പിന് അടുത്ത് സഞ്ചാവനിലായിരുന്നു സംഭവം. പുലർച്ചെ 4.25ന് നടന്ന ആക്രണത്തിൽ ഒരു സൈനികൻ വീരമൃത്യു വരിച്ചിരുന്നു. ഗ്രനേഡ് ആക്രമണമാണ് നടന്നത്. തുടർന്ന് പ്രദേശത്ത് നടന്ന പ്രത്യാക്രമണത്തിൽ രണ്ട് ഭീകരർ കൊല്ലപ്പെടുകയും ചെയ്തു.
