‘ഉളുപ്പുണ്ടോടോ…!’ ചെറിയ പെരുന്നാൾ ആശംസകൾ നേർന്ന പിസി ജോർജ്ജിന് നേരെ സൈബർ ആക്രമണം
കോട്ടയം: ചെറിയ പെരുന്നാൾ ആശംസകൾ നേർന്നെത്തിയ പിസി ജോർജ്ജിന് നേരെ ഇസ്ലാമിസ്റ്റുകളുടെ സൈബർ ആക്രമണം. ‘ഏവർക്കും സ്നേഹം നിറഞ്ഞ പെരുന്നാൾ ആശംസകൾ- പി.സി. ജോർജ്’ എന്നാണ് ചിത്രത്തിനൊപ്പം പി സി ജോർജ് ഫേസ്ബുക്കിൽ പോസ്റ്റ് ചെയ്തത്. പെരുന്നാൾ ആശംസകൾ നേർന്നുകൊണ്ടുള്ള പോസ്റ്റുകൾക്ക് താഴെ രൂക്ഷമായ വിമർശനങ്ങളും അസഭ്യമായ വാക്കുകളുമാണ് കമന്റുകളായി വരുന്നത്.
അനന്തപുരി ഹിന്ദുമഹാസമ്മേളനത്തിൽ നടത്തിയ പ്രസംഗം ചൂണ്ടിക്കാട്ടിയാണ് പി സി ജോർജിനെ ഒരു വിഭാഗം വിമർശിക്കുന്നത്. ‘മുസ്ലിം വിഭാഗക്കാർ വർഗീയത മാത്രം കൈമുതലായി നടക്കുന്നവർ… അവർ നാടിന് ആപത്ത് എന്ന് ദിവസേനെ 10 വട്ടം പറയുന്ന തനിക്ക് അവരുടെ പെരുന്നാളിന് ആശംസ അറിയിക്കാൻ ഇച്ചിരി ഉളുപ്പുണ്ടോടോ… താൻ വല്ലാത്ത ഒരു ജന്മം തന്നെ’ എന്നാണ് ഒരാൾ കുറിച്ചിരിക്കുന്നത്. ‘ അയ്യായിരത്തോളം കമന്റാണ് പോസ്റ്റിന് ലഭിച്ചിരിക്കുന്നത്.
വിദ്വേഷ പ്രസംഗമാണെന്ന് ആരോപിച്ച് പിസി ജോർജിനെ ഞായറാഴ്ച പോലീസ് അറസ്റ്റ് ചെയ്തിരുന്നു. ഉച്ചയോടെ അദ്ദേഹത്തിന് ജാമ്യം ലഭിക്കുകയും ചെയ്തു. ജാമ്യം ലഭിച്ചതിന് പിന്നാലെ മുസ്ലീം തീവ്രവാദികൾക്കുള്ള മുഖ്യമന്ത്രി പിണറായി വിജയന്റെ റമദാൻ സമ്മാനമാണ് തന്റെ അറസ്റ്റും ബഹളവുമെന്ന് പിസി ജോർജ് പ്രതികരിച്ചിരുന്നു. ഹിന്ദു മഹാസമ്മേളനത്തിലെ പ്രസംഗത്തിൽ ഉറച്ചുനിൽക്കുന്നതായി പി സി ജോർജ് പറഞ്ഞിരുന്നു.
Comments