ലണ്ടൻ: മാഞ്ചസ്റ്റർ സിറ്റി ഇംഗ്ലീഷ് പ്രീമിയർ ലീഗിന്റെ കിരീടത്തിനരികെ. ഇംഗ്ലീഷ് ലീഗിൽ ന്യൂകാസിലിനെ 5 ഗോളിനാണ് സിറ്റി തകർത്തത്. ജയത്തോടെ പോയിന്റ് പട്ടികയിൽ മുന്നിലെത്തിയ സിറ്റി ലിവർപൂളിനെക്കാൾ മൂന്ന് പോയിന്റ് മുന്നിലും കിരീടത്തിന രികെയുമാണ്.
ചാമ്പ്യൻസ് ലീഗിന്റെ സെമിയിലേറ്റ കനത്ത തിരിച്ചടി മറക്കുന്ന പ്രകടനമാണ് സിറ്റി പുറത്തെടുത്തത്. തകർപ്പൻ പ്രകടനത്തിൽ ന്യൂകാസിലിനെ എതിരില്ലാത്ത അഞ്ചു ഗോളിന് തകർത്തതോടെ ഗോൾ ശരാശരിയിലും സിറ്റി ലീഗിൽ മുന്നിലെത്തി.
കളിയുടെ 19-ാം മിനിറ്റിലും 93-ാം മിനിറ്റിലും ഗോളുകൾ നേടിയ റഹീം സ്റ്റെർലിംഗാണ് താരമായത്. 38-ാം മിനിറ്റിൽ അയ്മെറികും, 61-ാം മിനിറ്റിൽ റോഡ്രിയും 90-ാം മിനിറ്റിൽ ഫിൽ ഫോഡനും ഗോളുകൾ നേടി.
ലീഗിലെ പോയിന്റ് പട്ടികയിൽ 35 കളികളിലായി 27 ജയവും 5 തോൽവിയും 3 സമനിലകളുമായി സിറ്റി 86 പോയിന്റുകളാണ് നേടിയത്. ലിവർപൂൾ 25 ജയവും 8 തോൽവിയും 2 സമനിലകളുമായി 83 പോയിന്റുകളാണ് നേടിയത്. മൂന്നാം സ്ഥാനത്ത് 67 പോയിന്റ് മാത്രമുള്ള ചെൽസിയും നാലാം സ്ഥാനത്ത് 66 പോയിന്റുകളുമായി ആഴ്സണലും 5-ാം സ്ഥാനത്ത് ടോട്ടനവുമാണുള്ളത്.
Comments