ന്യൂഡൽഹി:ചിന്തൻ ശിബിരത്തിന് പിന്നാലെ സ്റ്റാൻഡ് അപ്പ് കോമഡി ഷോ പ്രഖ്യാപിച്ച് കോൺഗ്രസ്. പ്രാദേശികവും അന്തർദേശീയവുമായ സംഭവങ്ങളെ ജനങ്ങളിലെത്തിക്കാൻ സ്റ്റാൻഡപ്പ് കോമഡി ഷോകൾക്ക് സാധിക്കും. അതിനാൽ പാർട്ടി സ്വന്തം കോമഡി ഷോ ആരംഭിക്കാൻ തീരുമാനിച്ചതായി ഇന്ത്യൻ യൂത്ത് കോൺഗ്രസ് ട്വിറ്ററിലൂടെ അറിയിച്ചു. പരിപാടിയുടെ കൂടുതൽ വിവരങ്ങൾ ഉടൻ പ്രഖ്യാപിക്കുമെന്നും കാത്തിരിക്കാനുമാണ് കോൺഗ്രസ് പറയുന്നത്.
Stand-Up Comedy has always been reflective of the social and cultural issues of local and international contexts.
We are here with India's biggest talent show. Coming soon, stay tuned for more updates. pic.twitter.com/CKJh22OgQv
— Indian Youth Congress (@IYC) May 17, 2022
കോൺഗ്രസ് പാർട്ടിയുടെ സ്റ്റാൻഡ് അപ്പ് കോമഡി പ്രഖ്യാപനം സോഷ്യൽ മീഡിയയിൽ വലിയ പരിഹാസങ്ങൾക്ക് വഴിയൊരുക്കിയിരിക്കുകയാണ്. പർട്ടിയിൽ തന്നെ ‘ഇൻ-ഹൗസ്’ കഴിവുള്ളവരുള്ളപ്പോൾ ഹാസ്യനടന്മാരെ അന്വേഷിക്കേണ്ട ആവശ്യമെന്താണെന്ന് സോഷ്യൽ മീഡിയ ചോദിക്കുന്നു. അടുത്ത പ്രസിഡന്റിനെ തിരഞ്ഞെടുക്കാൻ കോൺഗ്രസ് ഒടുവിൽ ‘ജനാധിപത്യ മാർഗം’ ഉപയോഗിക്കുകയാണെന്ന് കോൺഗ്രസിനെ പരിഹസിച്ചുകൊണ്ട് ബിജെപി യുവമോർച്ച ദേശീയ സെക്രട്ടറി ഗൗരവ് ഗൗതം പറഞ്ഞു.
Congress finally using a democratic way to choose its next President. 👍 https://t.co/LFImdUzqLx
— Gaurav Gautam (@GauravgGautam) May 17, 2022
നിരവധി കമന്റുകൾ കോൺഗ്രസിന്റെ ട്വീറ്റിന് ലഭിക്കുന്നുണ്ട്. സ്റ്റാൻഡ് അപ്പ് കോമഡിക്കായി ആരേയും പുറത്ത് നിന്നും കൊണ്ടുവരെണ്ടെന്നും രാഹുൽ ഗാന്ധിയുടെ വീഡിയോ എല്ലാ ദിവസവും പോസ്റ്റ് ചെയ്താൽ മതിയെന്ന് ഒരു ട്വിറ്റർ ഉപയോക്താവ് പരിഹസിച്ചു. കോൺഗ്രസിന്റെ ഉദയ്പൂർ ചിന്തൻ ശിബിരം കഴിഞ്ഞതിന് പിന്നാലെയാണ് പുതിയ പ്രഖ്യാപനവുമായി എത്തിയിരിക്കുന്നത്. പാർട്ടിയെ ശക്തിപ്പെടുത്താൻ പലവഴികളും തിരയുകയാണ് കോൺഗ്രസ് പ്രവർത്തകർ.
സമകാലിക രാഷ്‌ട്രീയ വിഷയങ്ങളെക്കുറിച്ചുള്ള ആക്ഷേപഹാസ്യ സ്റ്റാൻഡ് അപ്പ് കോമഡികൾ, സാമൂഹിക വിഷയങ്ങൾ ഉയർത്തുന്ന നൃത്ത പ്രകടനങ്ങൾ, സമൂഹത്തെ ബോധവൽക്കരിക്കുന്നതിനുള്ള നാടകങ്ങൾ എന്നിവ ഉൾപ്പെടുന്ന നിരവധി പരിപാടികൾ സംഘടിപ്പിക്കുമെന്നാണ് കോൺഗ്രസ് അറിയിച്ചിട്ടുള്ളത്. രാഹുൽ ഗാന്ധിയിൽ നിന്നും പ്രചോദനം ഉൾക്കൊണ്ടാണോ പുതിയ പ്രഖ്യാപനമെന്നാണ് സൈബർ ലോകം ചോദിക്കുന്നത്.
