ന്യൂഡൽഹി : 77-ാം പിറന്നാൾ ആഘോഷിക്കുന്ന കേരള മുഖ്യമന്ത്രി പിണറായി വിജയന് ജന്മദിനാശംസകൾ നേർന്ന് പ്രധാനമന്ത്രി നരേന്ദ്ര മോദി. ട്വിറ്ററിലൂടെയാണ് പ്രധാനമന്ത്രി ആശംസകൾ നേർന്നത്.
കേരള മുഖ്യമന്ത്രി പിണറായി വിജയന് ജന്മദിനാശംസകൾ നേരുന്നു. അദ്ദേഹത്തിന്റെ ആരോഗ്യത്തിനും ദീർഘായുസിനുമായി പ്രാർത്ഥിക്കുന്നുവെന്ന് പ്രധാനമന്ത്രി കുറിച്ചു.
തമിഴ്നാട് മുഖ്യമന്ത്രി എംകെ സ്റ്റാലിനും പിണറായി വിജയന് ആശംസകൾ അറിയിച്ചിട്ടുണ്ട്. എന്റെ പ്രിയപ്പെട്ട സഖാവും ബഹുമാനപ്പെട്ട കേരള മുഖ്യമന്ത്രിയുമായ പിണറായി വിജയന് പിറന്നാൾ ആശംസകൾ എന്ന് സ്റ്റാലിൻ ട്വിറ്ററിലൂടെ അറിയിച്ചു. ഛിദ്രശക്തികൾക്കെതിരെ കേരളത്തെ ശക്തിപ്പെടുത്താനും രാഷ്ട്രത്തിന്റെ അഖണ്ഡതയിൽ സംസ്ഥാനങ്ങളുടെ പങ്ക് തെളിയിക്കാനും കൂടുതൽ ശക്തി ലഭിക്കട്ടെയെന്നും സ്റ്റാലിൻ ആശംസിച്ചു.
Comments