ശ്രീനഗർ: വടക്കൻ കശ്മീരിലെ കുപ്വാരയിൽ നടന്ന ഏറ്റുമുട്ടലിൽ മൂന്ന് ഭീകരരെ വധിച്ച് സൈന്യം. നുഴഞ്ഞുകയറ്റ ശ്രമം പരാജയപ്പെടുത്തുന്നതിനിടെയാണ് സുരക്ഷാസേനയും ഭീകരരും തമ്മിൽ ഏറ്റുമുട്ടലുണ്ടായത്.
വ്യാഴാഴ്ച പുലർച്ചെയായിരുന്നു ഏറ്റുമുട്ടൽ. നുഴഞ്ഞുകയറ്റത്തിനായി ഭീകരർ ശ്രമം നടത്തുന്നുവെന്ന വിവരം ലഭിച്ചതിനെ തുടർന്ന് സൈന്യവും പോലീസും സ്ഥലത്തെത്തുകയായിരുന്നു. ശേഷം പ്രദേശമാകെ സൈന്യം വളഞ്ഞു. ഇതോടെ ഏറ്റുമുട്ടൽ ആരംഭിക്കുകയും മൂന്ന് ലഷ്കർ ഭീകരരെ വധിക്കുകയുമായിരുന്നു.
കൊല്ലപ്പെട്ട ഭീകരരെ ഇതുവരെ തിരിച്ചറിയാനായിട്ടില്ല. ഇവരുടെ പക്കൽ നിന്നും ആയുധങ്ങളും സ്ഫോടക വസ്തുക്കളും പോലീസ് കണ്ടെടുത്തിട്ടുണ്ടെന്നും കശ്മീർ ഐജി വിജയ് കുമാർ മാദ്ധ്യമങ്ങളെ അറിയിച്ചു.
