കൊച്ചി: തിരഞ്ഞെടുപ്പ് പ്രവർത്തനങ്ങൾ അവസാനഘട്ടത്തിലെത്തി നിൽക്കുന്ന തൃക്കാക്കരയിൽ എൻഡിഎയ്ക്ക് ആവേശമാകാൻ ബിജെപി മുൻ എംപി സുരേഷ് ഗോപി. എൻഡിഎയുടെ പ്രചാരണത്തിനായി അദ്ദേഹം ഇന്ന് തൃക്കാക്കരയിലെത്തും. രാവിലെ 8.30 ന് ഇടച്ചിറയിലാണ് ആദ്യ പ്രചാരണ പരിപാടി. എൻഡിഎ സ്ഥാനാർത്ഥി എ.എൻ രാധാകൃഷ്ണന് വേണ്ടി വോട്ടഭ്യർത്ഥിച്ചുകൊണ്ടുളള നിരവധി പരിപാടികളിൽ അദ്ദേഹം പങ്കെടുക്കും.
രാവിലെ 9.30 ന് ഉണിച്ചിറ, 10.30 ന് തോപ്പിൽ ഹൈസ്കൂൾ ജംഗ്ഷൻ, 11.30 ന് പാലച്ചുവട് ജംഗ്ഷൻ, 12.30 ന് ആലിൻചുവട് ജംഗ്ഷൻ, 2.30 ന് പൊന്നുരുന്തി ചളിക്കവട്ടം ജംഗ്ഷൻ, 3.30 ന് പേട്ട ജംഗ്ഷൻ, 4.30 ന് കടവന്ത്ര എൻഎസ്എസ് ജംഗ്ഷൻ, 5.30 ന് എളംകുളം റിലയ്ൻസ് ജംഗ്ഷൻ 6.30 ന് പാലാരിവട്ടം ജംഗ്ഷൻ, 7.30 ന് ദേവൻകുളങ്ങര രാത്രി 8.30 ന് തമ്മനം ജംഗ്ഷൻ തുടങ്ങിയിടങ്ങളിൽ നടക്കുന്ന പരിപാടികളിൽ അദ്ദേഹം പങ്കെടുക്കും.
തൃക്കാക്കരയിൽ പ്രചാരണം ഉച്ചസ്ഥായിയിൽ നിൽക്കുമ്പോഴാണ് സുരേഷ് ഗോപി ഉൾപ്പെടെയുളളവർ എ.എൻ രാധാകൃഷ്ണന് വേണ്ടി പ്രചാരണത്തിന് എത്തുന്നത്. രാജ്യസഭാ എംപിയായിരിക്കെ നടത്തിയ പ്രവർത്തനങ്ങളും സാധാരണക്കാർക്ക് വേണ്ടി നടത്തിയ ഇടപെടലും സുരേഷ് ഗോപിക്ക് വലിയ ജനപിന്തുണയാണ് കേരളത്തിലെങ്ങും ഉണ്ടാക്കിയത്. തൃക്കാക്കരയിൽ അദ്ദേഹത്തിന്റെ പ്രചാരണം വലിയ രീതിയിൽ വോട്ടർമാരെ സ്വാധീനിക്കുമെന്നാണ് എൻഡിഎയുടെ വിലയിരുത്തൽ.
