ആലപ്പുഴ : ഹിന്ദു മത വിശ്വാസത്തെ വ്രണപ്പെടുത്തി ഫേസ്ബുക്കിൽ പോസ്റ്റിട്ട എസ്ഡിപിഐ പ്രവർത്തകൻ പിടിയിൽ. കോട്ടാങ്ങൽ സ്വദേശി അഡ്വ.ഷഹനാസ്.കെ.ഷാജിയെയാണ് പോലീസ് അറസ്റ്റ് ചെയ്തത്.
പാർവതീ ദേവിയേയും പരമശിവനേയും അവഹേളിച്ച് ഇയാൾ ഫേസ്ബുക്കിൽ പോസ്റ്റ് ഇട്ടിരുന്നു. ആലപ്പുഴയിലെ വിദ്വേഷ മുദ്രാവാക്യത്തെ അനുകൂലിച്ചും കോടതി നടപടികളെയും ഇന്ത്യൻ ജുഡീഷ്യറിയയെയും നിരന്തരമായി വിമർശിക്കുന്ന പോസ്റ്റുകളും ഇയാൾ ഫേസ്ബുക്ക് പേജിൽ പങ്കുവെച്ചിട്ടുണ്ട്.
ആലപ്പുഴയിലെ പോപ്പുലർ ഫ്രണ്ട് റാലിക്കിടെ ചെറിയ കുട്ടി കൊലവിളി മുദ്രാവാക്യം വിളിച്ചത് വൻ വിവാദങ്ങൾക്ക് വഴിവെച്ചിരുന്നു. എന്നാൽ കുട്ടിയെ അനുകൂലിച്ചുകൊണ്ടാണ് ഇയാൾ ഫേസ്ബുക്ക് പോസ്റ്റ് പങ്കുവെച്ചത്.
സ്കൂളിൽ പോയ കുട്ടികളെ നിർബന്ധിച്ച് ഐആം ബാബ്റി ബാഡ്ജ് കുത്തിച്ച സ്ഥലമാണ് കോട്ടാങ്ങൽ. പോപ്പുലർ ഫ്രണ്ടിനും എസ്ഡിപിഐയ്ക്കും വലിയ സ്വാധീനമുളള സ്ഥലമാണിത്.
Comments