കോട്ടയം: ഭീകരവാദികളെ പ്രോത്സാഹിപ്പിക്കുന്ന പിണറായി വിജയന് എതിരായ ജനവികാരമാണ് തൃക്കാക്കരയിലേതെന്ന് മുൻ എംഎൽഎ പി.സി ജോർജ്. പിണറായിയുടെ കൗണ്ട് ഡൗൺ ആരംഭിച്ചുവെന്ന് താൻ പറഞ്ഞു. ഇത് സത്യമായിരിക്കുകയാണെന്നും പി.സി ജോർജ് പറഞ്ഞു.
ജനഹിതം മനസ്സിലാക്കിയ ജോ ജോസഫ് എത്രയും വേഗം ആശുപത്രിയിൽ എത്തി ഒപി ആരംഭിക്കണം. ഇത് ജനങ്ങൾക്ക് വലിയ ഉപകാരം ആകും. ജനങ്ങൾക്ക് നന്മ ചെയ്യുകയാണ് ജോ ജോസഫിന്റെ ഉദ്ദേശ്യം എങ്കിൽ ഒപി ആരംഭിക്കുകയാണ് വേണ്ടത്. അത് ചെയ്യുമെന്ന് കരുതുന്നു.
ഇനി കെ- റെയിൽ ചുമന്ന് നടക്കേണ്ട ഗതികേട് പിണറായി വിജയന് ഉണ്ടാകില്ല. കേരളത്തിൽ പിണറായി വിരുദ്ധ തരംഗം ആഞ്ഞടിക്കുന്നു. സാമാന്യ മര്യാദയുണ്ടെങ്കിൽ പിണറായി വിജയൻ രാജിവയ്ക്കണം. ഭീകരവാദികളെ പ്രോത്സാഹിപ്പിക്കുന്ന നയം മുഖ്യമന്ത്രി അവസാനിപ്പിക്കണം. ഇല്ലെങ്കിൽ കേരളം നശിക്കും. പിണറായി രാജിവെച്ച് വീണ്ടും തിരഞ്ഞെടുപ്പ് നേരിടണമെന്നാണ് തനിക്ക് പറയാനുള്ളതെന്നും പി.സി ജോർജ് അഭിപ്രായപ്പെട്ടു.
അത്ഭുതപൂർണമായ വിജയമാണ് ഉമ തോമസിന്റേത്. തൃക്കാക്കര യുഡിഎഫിന്റെ മണ്ഡലം ആണ്. പി.ടി തോമസിന്റെ ഭാര്യയെന്ന സഹതാപവും, പിണറായി വിരുദ്ധ തരംഗവും ഒന്നിച്ച് ചേർന്നപ്പോൾ തൃക്കാക്കരയിൽ ഉമ ജയിച്ചുവെന്നും പി.സി ജോർജ് പറഞ്ഞു.
Comments