അഹമ്മദാബാദ് : ആം ആദ്മി പാർട്ടിക്ക് മാത്രമേ ബിജെപിയെ എതിർക്കാനാകൂ എന്ന് ഡൽഹി മുഖ്യമന്ത്രി അരവിന്ദ് കെജ്രിവാൾ. ഗുജറാത്ത് നിയമസഭാ തിരഞ്ഞെടുപ്പിന് മുന്നോടിയായി സംസ്ഥാനത്ത് സംഘടിപ്പിച്ച തിരംഗ യാത്രയിലാണ് കെജ്രിവാളിന്റെ പരാമർശം.
ബിജെപിക്കെതിരെ സംസാരിക്കാൻ എല്ലാ പാർട്ടികൾക്കും ഭയമാണ്. ആം ആദ്മിക്ക് മാത്രമേ ബിജെപിയുടെ കുറ്റങ്ങൾ എടുത്തുകാണിക്കാൻ ധൈര്യമുള്ളൂ. ബിജെപി നേതാക്കൾ തന്നെ കള്ളൻ എന്നാണ് വിളിക്കുന്നത് എന്നും കെജ്രിവാൾ പറഞ്ഞു.
വരുന്ന നിയമസഭാ തിരഞ്ഞെടുപ്പിൽ ഗുജറാത്തിലെ ജനങ്ങൾ തനിക്ക് ഒരവസരം നൽകണമെന്നും കെജ്രിവാൾ അഭ്യർത്ഥിച്ചു. അതോടെ സംസ്ഥാനത്തെ അഴിമതികൾ എല്ലാം തുടച്ചുനീക്കുമെന്നാണ് കെജ്രിവാൾ അവകാശപ്പെടുന്നത്.
2017 ൽ ഗുജറാത്ത് നിയമസഭാ തിരഞ്ഞെടുപ്പിൽ മത്സരിച്ചെങ്കലും സംസ്ഥാനത്ത് ഒരിടത്ത് പോലും അക്കൗണ്ട് തുറക്കാൻ ആം ആദ്മിക്ക് സാധിച്ചില്ല. ഇതിന് പിന്നാലെയാണ് ഇത്തവണ മത്സരിച്ചുകൊണ്ട് വീണ്ടും പരീക്ഷണത്തിനൊരുങ്ങുന്നത്.
Comments