കൊൽക്കത്ത: ബിജെപി വനിതാ നേതാവ് നൂപുർ ശർമ്മ പ്രവാചക നിന്ദ നടത്തിയെന്ന പേരിൽ കലാപത്തിന് ആഹ്വാനം ചെയ്ത് ബംഗാളിലെ ഇമാം സംഘടന. ബംഗാൾ ഇമാം അസോസിയേഷനാണ് പ്രതിഷേധവുമായി തെരുവുകളിൽ തടിച്ചു കൂടണമെന്ന ആഹ്വാനവുമായി രംഗത്തുവന്നത്. നൂപുർ ശർമ്മയ്ക്കെതിരെ രാജ്യദ്രോഹത്തിന് കേസ് എടുക്കണമെന്നും സംഘടന ആവശ്യപ്പെട്ടു.
തങ്ങളുടെ പ്രവാചകനെക്കുറിച്ച് സംസാരിക്കാൻ നൂപുർ ശർമ്മയ്ക്ക് യാതൊരു അവകാശവുമില്ലെന്ന് സംഘടനാ അദ്ധ്യക്ഷൻ മദ് യഹിയ പറഞ്ഞു. ഇവർക്കെതിരെ നിയമ നടപടി സ്വീകരിക്കാൻ ഇന്ത്യൻ സർക്കാരിനോട് ആവശ്യപ്പെടുന്നു. ഇവർക്ക് മേൽ യുഎപിഎ പ്രകാരം കേസ് എടുത്തണം. രാജ്യദ്രോഹത്തിന് അറസ്റ്റ് ചെയ്യണമെന്നും യഹിയ ആവശ്യപ്പെട്ടു.
എല്ലാ മസ്ജിദ് സംഘടനകളും ഇമാമുമാരും നൂപുർ ശർമ്മയ്ക്കെതിരെ തെരുവിൽ ഇറങ്ങണം. ശക്തമായി പ്രതിഷേധിക്കണം. വെള്ളിയാഴ്ച നിസ്കാരത്തിന് ശേഷം തെരുവുകളിൽ തടിച്ച് കൂടി തങ്ങളുടെ ശക്തികാണിക്കാൻ അഭ്യർത്ഥിക്കുകയാണെന്നും യഹിയ പറഞ്ഞു.
Comments