കൊച്ചി: കെ റെയിലുമായി ബന്ധപ്പെട്ട് നടക്കുന്നത് അവിശ്വസനീയമായ കാര്യങ്ങളെന്ന് കേരള ഹൈക്കോടതി. കേന്ദ്ര സർക്കാരിന്റെ അനുമതിയില്ലാതെ മുന്നോട്ട് പോകുന്നുവെന്ന് പറയുന്നത് അവിശ്വസനീയമാണ്. സാമൂഹികാഘാത പOനത്തിനും മറ്റും അനുമതി നൽകിയില്ലെന്ന് കേന്ദ്രം പറയുന്നു. കേന്ദ്രത്തിനു കൂടി പങ്കാളിത്തമുള്ള കെ.ആർ.ഡി.സി.എല്ലിനോട് എന്താണ് ഇക്കാര്യം ആവശ്യപ്പെടാതിരുന്നതെന്നും കോടതി ചോദിച്ചു.
വിഷയത്തിൽ വ്യക്തത വരുത്താൻ കേന്ദ്ര സർക്കാരിനോട് കോടതി ആവശ്യപ്പെട്ടു. കെ റെയിലിൽ കെ.ആർ.ഡി.സി.എല്ലിന്റെ പങ്ക് എന്താണെന്നും കോടതി ചോദിച്ചു. സാമൂഹികാഘാത പഠനവുമായി മുന്നോട്ട് പോകാമെന്നും ജനങ്ങളുടെ പണമാണുപയോഗിക്കുന്നതെന്ന കാര്യത്തിൽ ശ്രദ്ധ വേണമെന്നും ജസ്റ്റിസ് ദേവൻ രാമചന്ദ്രൻ പറഞ്ഞു.
കെ റെയിൽ കല്ലിടലിനെതിരായ വിവിധ ഹർജികൾ ഈ മാസം 30 ലേക്ക് മാറ്റിയതായും കോടതി അറിയിച്ചു.
Comments