കൊല്‍ക്കത്ത:മുഖ്യമന്ത്രി മമത ബാനര്‍ജിയെ വാഴ്സിറ്റി ചാന്‍സിലര്‍ പദവിയിലേക്ക് നിയമിക്കാന്‍ ബില്ല് പാസാക്കി ബംഗാള്‍. പ്രതിഷേധവുമായി ബിജെപി രംഗത്ത്. 40 പ്രതിപക്ഷാംഗങ്ങള്‍ എതിര്‍ത്തു. 294 പേരുള്ള നിയമസഭയില്‍ 182 പേര്‍ ബില്ലിനെ അനുകൂലിച്ചു. പ്രതിപക്ഷ നേതാവ് സുവേന്ദു അതികാരിയും ആറ് ബിജെപി മന്ത്രിമാരും സഭ ബഹിഷ്‌കരിച്ചു. നേരത്തെ നിയമസഭ മന്ദിരത്തിന് മുന്‍പില്‍ പ്രതിഷേധം നടത്തിയിരുന്നു. മുഖ്യമന്ത്രി ചാന്‍സിലര്‍ പദവിക്കായി മോഹിക്കണ്ടെന്ന് പ്രതിപക്ഷം വ്യക്തമാക്കി.
നിയമസഭയില്‍ ബില്ല് പാസാക്കിയാല്‍ ഗവര്‍ണര്‍ കേന്ദ്രത്തിലേക്ക് അയക്കണമെന്നതാണ് വ്യവസ്ഥ. സര്‍ക്കാരിനു ബില്ലുകള്‍ എളുപ്പത്തില്‍ പാസാക്കാന്‍ കഴിയില്ലെന്നും ഗവര്‍ണര്‍ എന്ന നിലയില്‍ പേപ്പറുകള്‍ വിശദമായി പഠിക്കുമെന്നും അദ്ദേഹം വ്യക്തമാക്കി. മാദ്ധ്യമങ്ങളുടെ ശ്രദ്ധ മാറ്റാനുള്ള തന്ത്രം മാത്രമാണിതെന്നും അദ്ദേഹം പറഞ്ഞു. മെയ് 29നു സ്‌കൂളില്‍ നടന്ന നിയമന അഴിമതി മറച്ചുവെക്കാനുള്ള ശ്രമമാണിതെന്ന് ഗവര്‍ണര്‍ ജഗ്ദീപ് ധാന്‍ഖര്‍ വ്യക്തമാക്കി.കേസ് സിബിഐ യുടെ പരിഗണയിലാണ്.
ഗവര്‍ണറുടെ അനുമതി വേണമെന്നിരിക്കെ ഇത്തരമൊരു നിയമം നിര്‍ദേശിക്കുന്ന ആദ്യ സംസ്ഥാനമാണ് പശ്ചിമ ബംഗാള്‍. ഗവര്‍ണര്‍ ബില്‍ പാസാക്കിയില്ലെങ്കില്‍ ഓര്‍ഡിനന്‍സ് കൊണ്ടുവരുമെന്ന് ടിഎംസി മന്ത്രിമാര്‍ പറഞ്ഞു. ഓര്‍ഡിനന്‍സുകള്‍ക്കും ഗവര്‍ണറുടെ അനുമതി വേണം.
തമിഴ്‌നാടും ഗുജറാത്തും സംസ്ഥാന സര്‍ക്കാര്‍ ധനസഹായത്തോടെ പ്രവര്‍ത്തിക്കുന്ന സര്‍വകലാശാലകളുടെ വൈസ് ചാന്‍സലര്‍മാരെ നിയമിക്കാന്‍ സംസ്ഥാന സര്‍ക്കാരുകള്‍ക്ക് അധികാരം നല്‍കുന്ന നിയമനിര്‍മ്മാണം പാസാക്കിയിട്ടുണ്ട്. എന്നാല്‍ ഗവര്‍ണര്‍മാര്‍ ചാന്‍സലര്‍മാരായി തുടരുന്നു. 2015ല്‍ ഗുജറാത്ത് അങ്ങനെ ചെയ്തതിന് ശേഷം ഏഴ് വര്‍ഷത്തിന് ശേഷം ഏപ്രിലിലാണ് തമിഴ്‌നാട് നിയമം പാസാക്കിയത്.
