ഗാന്ധിനഗർ : പത്താംക്ലാസ് മാർക്ക് ലിസ്റ്റ് പങ്കുവെച്ച് ഐഎഎസ് ഉദ്യോഗസ്ഥൻ.ഗുജറാത്തിലെ ഭറൂച് ജില്ലാകളക്ടറായ തുഷാർ ഡി. സുമേരെയുടെ മാർക്ക് ലിസ്റ്റാണ് ട്വിറ്ററിലൂടെ ഷെയർ ചെയ്തിരിക്കുന്നത്. പത്താംക്ലാസ് പരീക്ഷാഫലം കാത്തിരിക്കുന്ന വിദ്യാർത്ഥികൾക്ക് ആത്മവിശ്വാസം പകരാനാണ് കളക്ടർ മാർക്ക് ലിസ്റ്റ് പങ്കുവെച്ചത്.
ഗണിതശാസ്ത്രത്തിന് 36 ഉം ,ഇംഗ്ലീഷിന് 35 ഉം നേടിയാണ് താൻ ബോർഡ് പരീക്ഷ കടന്നതെന്ന് അദ്ദേഹം വ്യക്തമാക്കുന്നു.2012 ലാണ് തുഷാർ ഐഎഎസ് നേടുന്നത്.യുപിഎസ്‌സി പരീക്ഷ എഴുതുന്നതിന് മുമ്പ് അദ്ദേഹം അധ്യാപകനായി പ്രവർത്തിച്ചിരുന്നു.
അതേസമയം മാർക്ക് ലിസ്റ്റും തുഷാറിന്റെ ഫോട്ടോയും ഐഎഎസ് ഉദ്യോഗസ്ഥനായ അവനീഷ് ഷെയർ ചെയ്തിട്ടുണ്ട്. തന്റെ ട്വിറ്റർ അക്കൗണ്ടിലൂടെയാണ് അദ്ദേഹം ഫോട്ടോയും ,മാർക്ക് ലിസ്റ്റും ഷെയർ ചെയ്തിരിക്കുന്നത്.അവനീഷിന്റെ ട്വീറ്റ് ഷെയർ ചെയ്ത തുഷാർ ട്വീറ്റിലൂടെ തന്റെ നന്ദി അറിയിച്ചിട്ടുണ്ട്.
