വയനാട് : കോൺഗ്രസ് കെപിസിസി വർക്കിംഗ് പ്രസിഡന്റ് ടി സിദ്ദിഖിനെതിരെ കേസെടുത്ത് പോലീസ്.കൽപ്പറ്റയിലെ യുഡിഎഫ് പ്രതിഷേധത്തിന്റെ പേരിലാണ് കേസെടുത്തത്.ഗതാഗത തടസമുണ്ടാക്കിയതിനും അനുമതിയില്ലാതെ പ്രകടനം നടത്തിയതിനുമാണ് കേസ്. ടി സിദ്ദിഖിന് പുറമെ 50 പ്രവർത്തകർക്കെതിരെയും കേസെടുത്തിട്ടുണ്ട്.
അതേസമയം തങ്ങളുടെ പ്രവർത്തകരെ ആക്രമിച്ചാൽ പല്ലും നഖവും ഉപയോഗിച്ച് തിരിച്ചടിക്കുമെന്നാണ് ടി സിദ്ദിഖ് പ്രതികരിച്ചത്.പ്രവർത്തകരുടെ സംരക്ഷണം പാർട്ടി ഏറ്റെടുക്കുമെന്നും അദ്ദേഹം വ്യക്തമാക്കി.സിപിഎം ക്രിമിനലുകൾ അഴിഞ്ഞാടുകയാണ്,പ്രവർത്തകരുടെ ചൂടും ചൂരും മുഖ്യമന്ത്രി അറിയുമെന്നും ,രാപ്പകലില്ലാത്ത പ്രക്ഷോഭം നേരിടേണ്ടി വരുമെന്നും സിദ്ദിഖ് കൂട്ടിച്ചേർത്തു.
കെപിസിസി ആസ്ഥാനം ആക്രമിച്ചതിൽ പ്രതിഷേധിച്ച് കോൺഗ്രസ് സംസ്ഥാന വ്യാപകമായി ഇന്ന് കരിദിനം ആചരിക്കുകയാണ് .അതേസമയം ജനാധിപത്യ രീതിയിലാണ് മുഖ്യമന്ത്രിക്കെതിരെ പ്രതിഷേധിച്ചതെന്ന് കെപിസിസി പ്രസിഡന്റ് കെ. സുധാകരൻ എംപി പറഞ്ഞിരുന്നു. കോൺഗ്രസ് ഒരിക്കലും അക്രമത്തിന് മുതിർന്നില്ല. ആരോപണവിധേയനായ മുഖ്യമന്ത്രിക്കെതിരെ സമാധാനപരമായി പ്രതിഷേധിക്കുന്നതിൽ എന്താണ് തെറ്റെന്നും കെപിസിസി പ്രസിഡന്റ് കെ. സുധാകരൻ ചോദിച്ചു.
Comments