വിഷ്ണു ഉണ്ണികൃഷ്ണൻ കേന്ദ്രകഥാപാത്രമായി എത്തുന്ന ഫാമിലി സസ്പെൻസ് ത്രില്ലർ ‘കുറി’ജൂലൈ 8 ന് തിയേറ്ററുകളിലേക്ക്.വിഷ്ണു ആദ്യമായി പോലീസ് വേഷത്തിൽ എത്തുന്ന ചിത്രമാണ് കുറി.
വണ്ടിപ്പെരിയാറിലും പരിസരങ്ങളിലുമായി ചിത്രീകരണം പൂർത്തികരിച്ച ചിത്രം തിരക്കഥയെഴുതി സംവിധാനം ചെയ്യുന്നത് കെ ആർ പ്രവീൺ ആണ്.മീഡിയ &എന്റർടെയ്ൻമെന്റ്സാണ് ചിത്രത്തിന്റെ നിർമ്മാണം.ഛായാഗ്രഹണം സന്തോഷ് സി പിള്ള, എഡിറ്റിങ് – റഷിൻ അഹമ്മദ്. ബി.കെ.ഹരിനാരായണൻ വരികളെഴുതുന്ന ഗാനങ്ങൾക്ക് സംഗീതം നിർവഹിച്ചിരിക്കുന്നത് വിനു തോമസാണ്.
വിഷ്ണു ഉണ്ണികൃഷ്ണന് പുറമെ അതിഥി രവി,സുരഭി ലക്ഷ്മി,വിനോദ് തോമസ്,വിഷ്ണു ഗോവിന്ദൻ ,സാഗർ സൂര്യ ,ചാലി പാല ,പ്രമോദ് വെളിയനാട് തുടങ്ങിയവരും പ്രധാന വേഷത്തിൽ എത്തുന്നു.
അഭിനേതാവിന് പുറമെ തിരക്കഥാകൃത്ത് കൂടെയാണ് വിഷ്ണു ഉണ്ണികൃഷ്ണൻ.നാദിർഷയുടെ ആദ്യ സംവിധാന സംരംഭമായ അമർ അക്ബർ അന്തോണി എന്ന ചിത്രത്തിന് വേണ്ടിയാണ് വിഷ്ണു ആദ്യമായി തിരക്കഥ എഴുതിയത്.ചിത്രം ബോക്സോഫീസ് ബ്ലോക്ബസ്റ്ററായിരുന്നു.2016 ൽ നാദിർഷ സംവിധാനം ചെയ്ത കട്ടപ്പനയിലെ ഋത്വിക് റോഷൻ എന്ന ചിത്രത്തിൽ നായകൻ വിഷണുവായിരുന്നു.
