ന്യൂഡല്ഹി:ആന് ഫ്രാങ്കിന്റെ ഡയറിക്കുറിപ്പുകള്ക്ക് ഇന്ന് 75 വയസ്.ആദരസൂചകമായി ഡൂഡില് നിര്മിച്ച് ഗൂഗിള്.ആനിമേഷന് രൂപത്തിലുള്ള ഡൂഡിലാണ് അവതരിപ്പിച്ചിരിക്കുന്നത്. ഗൂഗിള് ഡൂഡില് ആര്ട്ട് ഡയറക്ടര് തോക്ക മേയറാണ് ഇതിന് പിന്നില്.
ആന് ഫ്രാങ്കിനെയും ആന് ഫ്രാങ്കിന്റെ ഡയറിയെപ്പറ്റിയും കേള്ക്കത്തവര് അപൂര്വമായിരിക്കും.ജര്മന്-ഡച്ച് ഡയറി എഴുത്തുകാരിയായിരുന്നു ആന് ഫ്രാങ്ക്.രണ്ടാം ലോകമഹായുദ്ധത്തിന്റെ ഭീകരമുഖങ്ങളും അവരുടെ അതിജീവനത്തിന്റെയും കഥ വിവരിച്ചിരിക്കുന്ന പുസ്കതമാണ് ‘ ദ ഡയറി ഓഫ് എ യംഗ് ഗേള്’. 1947 ജൂണ് 25 ന് അവളുടെ 13-15 വയസ് കാലഘട്ടത്തില് എഴുതിയ കുറിപ്പുകള് ഇന്നും ലോകപ്രശസ്തമാണ്.
നാഷണല് സോഷ്യലിസ്റ്റ് ജര്മ്മന് വര്ക്കേഴ്സ് പാര്ട്ടി ആയ നാസിയുടെ ക്രൂരതകള് രണ്ടാം ലോകമഹായുദ്ധത്തിനു മുന്പെ പ്രകടമായിരുന്നു. അവരുടെ അടിച്ചമര്ത്തലിന്റെ ദൃക്സാക്ഷിയാണ് ആന് ഫ്രാങ്കും കുടുംബവും.
ഇതുവരെയുള്ള കണക്കുകളില് വായനക്കാരനെ ഏറ്റവും സ്വാധീനിച്ചിട്ടുള്ളതും വ്യാപകമായി വായിക്കപ്പെട്ടതുമായ വിവരണങ്ങളില് ഒന്നാണ് ആന് ഫ്രാങ്കിന്റെ ഡയറിക്കുറിപ്പുകള്. ആഗോളത്തലത്തില് 67 ഭാഷകളിലായി 30 ദശലക്ഷം കോപ്പികള് ഇതുവരെയും വിറ്റു.
നാസികളുടെ ക്രൂരത ലോകം അറിഞ്ഞത് ആന് ഫ്രാങ്കിലൂടെ ആയിരുന്നു. ചെറുപ്രായത്തില് ഇത്തരമെരു പുസ്തകം പ്രസിദ്ധീകരിക്കാന് കാണിച്ച ധൈര്യത്തിനും അവരുടെ ഓര്മകളെ സംരക്ഷിക്കുകയും വരും തലമുറയ്ക്ക് പകര്ന്നു കൊടുക്കണമെന്നും ജര്മന് ചിത്രകാരന് വ്യക്തമാക്കി.
