ന്യൂഡല്ഹി:സ്പെയ്സ്ജെറ്റ് വിമാനങ്ങളില് യാത്രക്കാരും ജീവനക്കാരും ഇരിക്കുന്ന കേന്ദ്രഭാഗത്ത് അസമയത്ത് അപകട മുന്നറിയിപ്പുകള് പ്രകാശിപ്പിച്ച സംഭവത്തില് അന്വേഷണത്തിന് ഉത്തരവിട്ട് ഡയറക്ട്രേറ്റ് ജനറല് ഓഫ് സിവില് ഏവിയേഷന് (ഡിജിസിഎ)
ഗുവാഹത്തിയില് നിന്നും കൊല്ക്കത്തയ്ക്ക് പോവുകയായിരുന്ന വിമാനത്തിലാണ് സംഭവം. വെള്ളി,ശനി ദിവസങ്ങളില് പറന്നുയരുന്നതിനിടെയാണ് രണ്ട് സ്പെയ്സ്ജെറ്റ് വിമാനങ്ങളില് അപ്രത്യക്ഷമായി മുന്നറിയിപ്പുകള് പ്രകാശിച്ചത്. ഇതേ തുടര്ന്ന് വിമാനങ്ങള് യാത്ര ഉപേക്ഷിക്കാന് നിര്ബന്ധിതരായി. കഴിഞ്ഞ ഒരാഴ്ചയില് നാലാമത്തെ സമാന സംഭവമാണിത്. നാലു സംഭവങ്ങളെക്കുറിച്ചും വിശദമായി അന്വേഷണം നടത്തുമെന്നും ഡിജിസിഎ അറിയിച്ചു.
സ്പെയ്സ്ജെറ്റ് ക്യൂ 400 വിമാനത്തില് മുന്നറിയിപ്പുകള് പൈലറ്റിന്റെ അശ്രദ്ധമൂലം സംഭവിച്ചതാകാമെന്ന് അധികാരികള് അഭിപ്രായപ്പെടുന്നു. 5,000 അടി ഉയരത്തില് ക്യൂ 400 പറന്നതിന് ശേഷമാണ് തിരികെ ഇറക്കിയത്. ഗുവാഹട്ടിയിലാണ് വിമാനം തിരികെ ഇറക്കിയത്. ജൂണ് 25 ന് സമാന സംഭവം പാട്ന-ഗുവാഹട്ടി സ്പെയ്സ്ജെറ്റിലും ഉണ്ടായി. മുന്നറിയിപ്പ് ശ്രദ്ധയില്പ്പെട്ടതിനെ പട്നയില്നിന്നും പറക്കല് നിര്ത്തുകയായിരുന്നു.
ജൂണ് 19ന് 185 യാത്രക്കാരുമായി പാട്നയില് നിന്നും പുറപ്പെട്ട സ്പെയ്സ്ജെറ്റ് വിമാനം പക്ഷി ഇടിച്ചതിനെ തുടര്ന്ന് തീപ്പിടിച്ചു. ക്യാബിനിലെ വായുസമ്മര്ദ്ദ പ്രശ്നങ്ങള് മൂലം ജബല്പൂര് സ്പെയ്സ് ജെറ്റ് വിമാനം ഡല്ഹിയില് അടിയന്തിരമായി ഇറക്കിയിരുന്നു.
Comments